ជាតិ
សម្តេច ហ៊ុន សែន រំលឹកអភិបាលខេត្តក្រចេះ និងស្ទឹងត្រែង បង្កើនការយកចិត្តទុកដាក់លើផ្សោត
× នាពិធីបើកការដ្ឋានផ្លូវនៅខេត្តក្រចេះ សម្តេចនាយករដ្ឋមន្ត្រី ហ៊ុន សែន បានក្រើនរំលឹកជាពិសេសដល់អភិបាលខេត្តក្រចេះ និងស្ទឹងត្រែង បង្កើនការយកចិត្តទុកដាក់អភិរក្សសត្វផ្សោត បន្ទាប់ពីមានរបាយការណ៍ស្លាប់ជាបន្តបន្ទាប់នៃប្រភេទសត្វជិតផុតពូជនេះ។
សម្តេចបានណែនាំទៅអភិបាលខេត្តទាំងពីរ ឲ្យរៀបចំកំណត់តំបន់ស្នូលអចិន្ត្រៃយ៍ ដោយហាមឃាត់ការនេសាទ ការដាក់មង និងការរំខានផ្សេងៗ ឲ្យបាន១០០ភាគរយ រួមទាំងការកំណត់តំបន់ស្នូលផ្សេងទៀត ទៅតាមស្ថានភាពទឹកឡើង និងទឹកចុះ។
«ត្រូវអភិរក្សពេញទីដោយគ្មានការលើកលែង! ត្រូវមានរបៀបរៀបរយឲ្យបានល្អ!»។ ប្រមុខរដ្ឋាភិបាលបានបញ្ជាក់បែបនេះ ទៅអភិបាលខេត្តក្រចេះ និងស្ទឹងត្រែង ដោយមិនត្រូវពឹងផ្អែកតែលើក្រសួងកសិកម្ម រុក្ខា ប្រមាញ់ និងនេសាទនោះឡើយ។
កាលពីចុងខែធ្នូកន្លងមក ផ្សោត៣ក្បាល បាត់បង់ជីវិតក្នុងរយៈពេលមួយសប្ដាហ៍។ ក្នុងឆ្នាំ២០២២នេះ សត្វផ្សោតសរុបចំនួន ១១ក្បាលហើយបានស្លាប់ និងរយៈពេល៣ឆ្នាំចុងក្រោយនេះ សត្វផ្សោតចំនួន២៩ក្បាល បានស្លាប់៕ © រក្សាសិទ្ធិដោយ thmeythmey.com