អាជ្ញាធរខេត្តស្វាយរៀង រៀបចំការប្រកួតវាយប្រដំ ពានរង្វាន់ស្រុកស្វាយទាប

ជាតិ

អាជ្ញាធរខេត្តស្វាយរៀង រៀបចំការប្រកួតវាយប្រដំ ពានរង្វាន់ស្រុកស្វាយទាប

06, Jan 2023 , 7:59 am

រូបភាព

ដោយ: ប៉ូ សាគុន

ភ្នំពេញ៖ ក្រសួងវប្បធម៌ និងវិចិត្រសិល្បៈ សហការជាមួយប្រជាជន សិស្សានុសិស្ស លោកគ្រូ អ្នកគ្រូ និងអាជ្ញាធរពាក់ព័ន្ធ នៃស្រុកស្វាយទាប ខេត្តស្វាយរៀង រៀបចំការប្រកួតវាយប្រដំ ពានរង្វាន់ស្រុកស្វាយទាប នៅទីលានភូមិត្រពាំងស្បូវ ឃុំព្រៃតាអី ស្រុកស្វាយទាប។

ដើម្បីលើកស្ទួយ និងផ្សព្វផ្សាយមត៌កវប្បធម៌អរូបី ក្រសួងវប្បធម៌និងវិចិត្រសិល្បៈ សហការជាមួយអាជ្ញាធរមូលដ្ឋានស្រុកស្វាយទាប ខេត្តស្វាយរៀង នឹងរៀបចំការប្រកួត “ល្បែងប្រពៃណីវាយប្រដំ” ពានរង្វាន់ស្រុកស្វាយទាប ដែលនឹងប្រព្រឹត្តទៅនៅថ្ងៃទី៨ ខែមករា ឆ្នាំ២០២៣ ចាប់ពីវេលាម៉ោង៧ព្រឹក នៅទីវាលភូមិត្រពាំងស្បូវ ឃុំព្រៃតាអី ស្រុកទាប ខេត្តស្វាយរៀង។ ការប្រកួតនេះ ក៏នឹងផ្សាយផ្ទាល់លើហ្វេសប៊ុកផេកផ្លូវការ របស់ក្រសួងវប្បធម៌និងចិត្រសិល្បៈផងដែរ។

បើតាមមន្ត្រីនៃក្រសួងវប្បធម៌ និងវិចិត្រសិល្បៈ ក្រុមដែលចូលរួមប្រកួត មានមកពីវិទ្យាល័យ និងអនុវិទ្យាល័យនានាក្នុងស្រុកស្វាយទាប និងតំណាងភូមិទាំង៦ នៃឃុំព្រៃតាអី ក្នុងស្រុកស្វាយទាប ដែលសរុបទាំងអស់មាន២៤ក្រុម។ ក្រុមដែលដណ្ដើមបានលេខ១-៣ និងទទួលបានពានរង្វាន់។ ចំណែកឯលេខ៤ និងទទួលបានប័ណ្ណសរសើរ។

សូមបញ្ជាក់ថា កាលពីថ្ងៃទី២៥ ខែមិថុនា ឆ្នាំ២០២២ ស្រុកស្វាយទាប ក៏បានរៀបចំការប្រកួតល្បែងប្រពៃណីវាយប្រដំ ពានរង្វាន់ព្រៃតាអី ជាលើកដំបូងផងដែរ ដោយកាលនោះ មានក្រុមចូលរួមចំនួន១០ក្រុម ហើយក្នុងនោះមាន៤ក្រុមជាសិស្សមកពីអនុវិទ្យាល័យព្រៃតាអី។

កិច្ចការពារបេតិភណ្ឌវប្បធម៌ ជាភារកិច្ចរបស់កូនខ្មែរគ្រប់ៗរូប!៕