ក្នុងរបាយការណ៍របស់ Cirium ក្រុមហ៊ុនអាកាសចរណ៍ Cathay Pacific របស់​ហុងកុង​បាន​បន្ថែម​កៅអីសរុបដល់ទៅ៥២,០០០ ក្រោយដែលព្រំដែនជាមួយចិនដី​គោកបើកឡើងវិញ។ ក្រុមហ៊ុន​អាកាសចរណ៍ចិន Xiamen និង Juneyao  ព្រមទាំងក្រុមហ៊ុនផ្សេងៗទៀតបានបន្ថែមកៅអី១៦ម៉ឺនសម្រាប់ដំណើរទៅនិងមកចិនដែរ។

 

បើតាម ក្រុមហ៊ុនវិភាគទិន្នន័យហោះហើរដដែល ក្រុមហ៊ុន អាកាសចរណ៍​បច្ចុប្បន្ន​ដំណើរការ​តែ​១១​ភាគរយនៃទំហំហោះហើរមុនការផ្ទុះឡើងនៃជំងឺកូវីដ-១៩ប៉ុណ្ណោះ។ ខណៈថ្ងៃបុណ្យចូលឆ្នាំចិន​ឈានចូលមកនៅថ្ងៃទី២១ ខែមករា សំបុត្រយន្តហោះក៏នឹងឡើងថ្លៃផងដែរ។

 

ជាមួយនឹងការដករឹតត្បិតនេះ ក្រុមហ៊ុនអាកាសចរណ៍ចិនរំពឹងនឹងទទួលបានជោគជ័យក្នុងការ​បើក​ប្រទេសឡើងវិញជាអន្តរជាតិ។ ទិន្នន័យបង្ហាញថា ទំហំហោះហើរទៅនិងមកចិនដែលនឹងមានក្នុង​ខែ​កុម្ភៈ​កើន​ឡើងដល់២៣ភាគរយ ហើយក្នុងខែមីនា នឹងកើនឡើងដល់១៣ភាគរយ។ 

 

បន្ថែមពីលើនេះ ចំនួនកៅអីហោះហើរទៅនិងមកពីចិន នឹងកើនឡើង៤​,៣លានក្នុងមួយខែចាប់ពី​ខែ​មេសាដែល​ចំនួ​ន​នេះកើនឡើងពី១,៨៥លានកៅអីក្នុងខែមករា និង២,៧លានកៅអីក្នុងខែមីនា៕