​

បើតាមលោកចៅសង្កាត់រូបនេះ យន្តការច្រកចេញចូលតែមួយរដ្ឋបាលសង្កាត់ផ្តល់សេវា​ជា ប្រមាណ ១៣មុខសេវា​ជូនពលរដ្ឋ ក្នុងនោះមាន ១០សេវាមិនតម្រូវឱ្យបង់ថ្លៃនោះទេ ដែលមានដូចជា ការធ្វើសំបុត្រកំណើត សំបុត្រអាពាហ៍ពិពាហ៍សំបុត្រមរណភាព ចុះបញ្ជីសៀវភៅគ្រួសារ សៀវភៅស្នាក់នៅ និងធ្វើឯកសារផ្សេងៗទៀត​។ «ច្រកចេញ-ចូលតែមួយនៅសង្កាត់សំរោងធ្វើឡើង ក្រោមការអនុញ្ញាត ពីរដ្ឋាភិបាលដែលបានកំណត់ ហើយការផ្ដល់សេវាមួយចំនួនត្រូវបង់ថវិកា និងសេវាមួយចំនួនទៀត ពលរដ្ឋមិនតម្រូវឱ្យបង់ថ្លៃសេវានោះទេ»។ នេះបើតាមលោក ចៀប តុប ចៅសង្កាត់សំរោង។

 

 

សូមជម្រាបថា យន្តការច្រកចេញចូលតែមួយរដ្ឋបាល-សង្កាត់ ជាយន្តការ​ថ្មីបន្ថែមទៀត ដែលរដ្ឋបាលឃុំ-សង្កាត់នីមួយៗទើបចាប់ផ្តើមអនុវត្តន៍។ ដូច្នេះកិច្ចការចម្បងដែលរដ្ឋបាលឃុំ-សង្កាត់ ចាប់ផ្តើមមុនគេ គឺការផ្សព្វផ្សាយអំពីយន្តការថ្មីនេះដល់ពលរដ្ឋឱ្យបានយល់ដឹង​។ តុប បានបញ្ជាក់ថា៖ «បច្ចុប្បន្នកំពុងផ្សព្វផ្សាយដល់ពលរដ្ឋជុំវិញការបើកដណើរច្រកចេញចូលនេះ តែពុំទាន់បានទូលំទូលាយនោះទេ ព្រោះវាថ្មីដែរ»។

 

ទោះជាយ៉ាងនេះក្តី លោក ចៀប តុប បញ្ជាក់ថា អាជ្ញាធរសង្កាត់នឹងពន្លឿនការផ្សព្វផ្សាយពីសេវាថ្មីនេះ ហើយលោកក៏សង្ឃឹមដែរថាប្រជាពលរដ្ឋដែលបានដឹងព័ត៌មាននេះ នឹងចូលរួមអនុវត្តឱ្យបានល្អប្រសើរ ហើយជំរុញឱ្យការផ្តល់សេវារដ្ឋបាលនៅសង្កាត់សំរោង កាន់តែរលូន និងមានតម្លាភាព៕

 

អានអត្ថបទពាក់ព័ន្ធផ្សេងទៀត៖ យុវជនសកម្ម សេវាល្អ