ក្នុងនាម​ «សមាគមក្រុមប្រឹក្សាវប្បធម៌ឌីជីថលអង្គរ» ជាអ្នកដែលបំពេញបេសកកម្មនៃសមាហរណកម្ម និងអភិវឌ្ឍន៍បេតិកភណ្ឌប្រវត្តិសាស្ត្រ និងវប្បធម៌ បានទទួលស្វាគមន៍ឯកអគ្គរាជទូតវប្បធម៌កម្ពុជានរោត្តម ជេនណា ព្រះនាងម្ចាស់នៃព្រះរាជាណាចក្រកម្ពុជា និងលោក Julian Lloyd Webber ជានាយកសាលារាជបណ្ឌិត្យសភាតន្ត្រីនៅទីក្រុង Birmingham និងជាស្ថាបនិកនៃកម្មវិធីអប់រំតន្ត្រី In Harmony ដែលជាអ្នកដឹកនាំក្រុមភ្លេង អ្នកអត្ថាធិប្បាយ ជាតន្រ្តីករសែលឡូ(Cello)នៃចក្រភពអង់គ្លេស។

 

លោក Mark Messenger ដែលជាអ្នកលេងវីយូឡុង អ្នកដឹកនាំក្រុមភ្លេង អ្នកអប់រំ និងជាទីប្រឹក្សានៃ Norwegian Academy ជាប្រធាននាយកដ្ឋានឧបករណ៍តន្រី្តខ្សែនៃរាជបណ្ឌិត្យសភា នៃវិទ្យាស្ថានតន្ត្រីនៅទីក្រុងឡុងដ៏ និងកញ្ញា Elly Suh ដែលមានទេពកោសល្យ និងពោរពេញដោយមន្តស្នេហ៍សិល្បៈ ជនជាតិកូរ៉េ-អាម៉េរិក ដែលជាអ្នកនិពន្ធ អ្នករៀបរៀងទំនុកភ្លេង និងតន្រ្តីករវីយូឡុង។ ​ក្រុម​សិល្បករដ៏ចំណាន និងសិល្បករ​វ័យ​ក្មេង ​មក​ពី​វិស័យ​សិល្បៈ​ខ្មែរ​មាន​ដូច​ជា របាំ​អប្សរា ល្ខោនខោល របាំ​ព្រះរាជទ្រព្យ និង​​ល្ខោនស្បែកបាន​សម្តែងជូនភ្ញៀវកិត្តិយសទស្សនា​។

 

នាពេលខាងមុខ «សមាគមក្រុមប្រឹក្សាវប្បធម៌ឌីជីថលអង្គរ» នឹងបន្តសកម្មភាពផ្លាស់ប្តូរវប្បធម៌ និងសិល្បៈខ្មែរជាបន្តបន្ទាប់ ដើម្បីបង្កើតឱកាសកាន់តែច្រើនសម្រាប់ប្រជាជនកម្ពុជា និងសិល្បករ និងអ្នកស្នេហាសិល្បៈមកពីជុំវិញពិភពលោក ដើម្បីទទួលបានបទពិសោធន៍ថ្មីៗ និងកាន់តែជិតស្និទ្ធនឹងសិល្បៈ៕