ឯកឧត្ដម ប៊ូ ច័ន្ទភីរូ អគ្គនាយក នៃនិយ័តករធានារ៉ាប់រងកម្ពុជា បានមានប្រសាសន៍ថា៖ «កំណើនសេដ្ឋកិច្ចនាពេលបច្ចុប្បន្ននៅក្នុងតំបន់ តួយ៉ាងដូចជាខេត្តកំពត បានផ្តល់នូវឱកាសសម្រាប់ក្រុមហ៊ុនធានារ៉ាប់រងក្នុងការផ្តល់ការការពារ និងជំនួយផ្នែកហិរញ្ញវត្ថុដល់គ្រួសារកម្ពុជា»។ 

 

ឯកឧត្តមបាន​បន្ថែមថា៖ «ជាមួយនឹងបណ្តាញសាខាក្រុមហ៊ុនចំនួន ៥ និងភ្នាក់ងារជាង ៥.០០០ រូប​ បានសរបញ្ជាក់ឱ្យ​ឃើញ​ថា ក្រុមហ៊ុនព្រូដិនសល បានខិតខំប្រឹងប្រែងផ្តល់នូវផលិតផលហិរញ្ញវត្ថុប្រកបដោយភាពច្នៃប្រឌិតដល់ប្រជាជនទូទាំងប្រទេស។ 
 

ដោយមានការប្តេជ្ញាចិត្តរបស់ខ្លួនចំពោះសមត្ថភាពឌីជីថលឈានមុខគេមួយនៅលើទីផ្សារ ក្រុមហ៊ុនក៏បានជួយជំរុញក្នុងការទំនាក់ទំនងទៅកាន់មនុស្សកាន់តែច្រើន ​ដើម្បីលើកកម្ពស់ការរួមបញ្ចូលផ្នែកហិរញ្ញវត្ថុឲ្យកាន់តែទូលំទូលាយនៅក្នុងប្រទេសកម្ពុជា»។

លើសពីនេះ ការបង្កើនការយល់ដឹងអំពីតម្រូវការចាំបាច់សម្រាប់ការធានារ៉ាប់រងអាយុជីវិត និងសុខភាពក៏ជាកត្តាជំរុញដល់ការពង្រីកសាខាបន្ថែមទៀតរបស់ក្រុមហ៊ុន ព្រូដិនសល ដែលមាននៅតាមបណ្តាខេត្តក្រុងផ្សេងទៀត ក្រៅពីរាជធានីភ្នំពេញផងដែរ។

 

លោក Sanjay Chakrabarty អគ្គនាយកប្រតិបត្តិក្រុមហ៊ុនព្រូដិនសល បានមានប្រសាសន៍ថា៖ «ការប្តេជ្ញាចិត្តរបស់យើងចំពោះប្រទេសកម្ពុជាគឺមិនផ្លាស់ប្តូរនោះទេ ហើយការបើកសាខាទី ៥ របស់យើងនៅក្នុងខេត្តកំពត គឺជាសក្ខីភាពមួយចំពោះការបន្តការប្តេជ្ញាចិត្ត របស់យើងចំពោះប្រជាជនកម្ពុជាទាំងអស់។ ស្របពេលនេះដែរ​ យើងក៏មានមោទនភាពក្នុងការប្រារព្ធខួបលើកទី ១០ របស់យើងនៅក្នុងប្រទេសកម្ពុជា និង ១៧៥ ឆ្នាំនៃប្រវត្តិសាស្រ្តទូទាំងពិភពលោក ហើយយើងមានសេចក្តីសោមនស្សរីករាយក្នុងការប្រារព្ធខួបនេះ និងពិធីបើកសាខាខេត្តកំពតជាមួយ និយ័តករ មន្ត្រីរដ្ឋាភិបាលជាទីគោរព អតិថិជន និងដៃគូសហការរបស់យើងនៅក្នុងប្រទេសកម្ពុជា»។

 

ការបន្តវិនិយោគ របស់ក្រុមហ៊ុនព្រូដិនសលទាំងលើបណ្តាញសាខា និងឌីជីថល ដ៏ឈានមុខគេមួយលើទីផ្សាររបស់ខ្លួន បាននឹងកំពុងជួយឱ្យវិស័យធានារ៉ាប់រងកម្ពុជាឈានទៅសម្រេចបាននូវអត្រាការជ្រាតចូលក្នុងទីផ្សារ  ដែលបានគ្រោងទុក ចំនួន 5.5% ជាមួយនឹងដង់ស៊ីតេធានារ៉ាប់រងចំនួន ១៣៥ ដុល្លារនៅឆ្នាំ ២០៣០។ 

 

ជាមួយនឹងការបន្តវិនិយោគនៅកម្ពុជា ក្រុមហ៊ុនព្រូដិនសល នឹងប្តេជ្ញាស្វែងរកផលិតផលថ្មី ដើម្បីជួយប្រជាជនឲ្យទទួលបានអត្ថប្រយោជន៍ច្រើនបំផុតពីជីវិត។

 

ការបើកសម្ពោធសាខាខេត្តកំពត របស់ ព្រូដិនសល គឺជាសក្ខីភាពមួយចំពោះការប្តេជ្ញាចិត្តរបស់ក្រុមហ៊ុនក្នុងការផ្តល់នូវការការពារ និងការគាំទ្រផ្នែកហិរញ្ញវត្ថុដល់គ្រួសារកម្ពុជា។ នៅពេលដែលក្រុមហ៊ុនព្រូដិនសលកម្ពុជាបន្តពង្រីកប្រតិបត្តិការរបស់ខ្លួននៅក្នុងប្រទេសកម្ពុជា ក្រុមហ៊ុននឹងបន្តផ្តល់នូវដំណោះស្រាយប្រកបដោយភាពច្នៃប្រឌិត ដើម្បីបំពេញតម្រូវការហិរញ្ញវត្ថុរបស់ប្រជាជន៕