ការប្រឡងមធ្យមសិក្សាទុតិយភូមិ(បាក់ឌុប) គឺមានចំនួន៧មុខវិជ្ជា។ សម្រាប់ថ្នាក់វិទ្យាសាស្រ្ត មានមុខវិជ្ជាជម្រើស ជីវវិទ្យា គីមីវិទ្យា ភាសាបរទេស អក្សរសាស្ត្រខ្មែរ រូបវិទ្យា គណិតវិទ្យា។ ចំណែក ថ្នាក់វិទ្យាសាស្រ្តសង្គម មានមុខវិជ្ជាជម្រើស ប្រវត្តិវិទ្យា ភូមិវិទ្យា ភាសាបរទេស គណិតវិទ្យា សីលធម៌-ពលរដ្ឋ និងអក្សរសាស្រ្តខ្មែរ។ 

 

យោងតាមសេចក្ដីណែនាំរបស់ក្រសួង បន្ទាប់ពីប្រឡងថ្ងៃទី៦វិច្ឆិកាហើយ នៅថ្ងៃទី១១ដល់១៥វិច្ឆិកា គឺជាដំណើរការនៃការធ្វើកំណែវិញ្ញាសា។ ចំណែក ថ្ងៃទី១៦ដល់ថ្ងៃទី២៦វិច្ឆិកា ជាដំណើរការស្រង់និងបូកពិន្ទុដោយកុំព្យូទ័រ រួមទាំងការផ្ទៀងផ្ទាត់ពិន្ទុផងដែរ។ 

 

នៅថ្ងៃទី២៨វិច្ឆិកា ក្រសួងនឹងប្រកាសលទ្ធផលនៃការប្រឡងក្នុងរាជធានីភ្នំពេញ និងខេត្តកណ្ដាល ដោយបិទផ្សាយនៅតាមមណ្ឌលប្រឡង។ បន្ទាប់មក ថ្ងៃទី២៩វិច្ឆិកា ក្រសួងនឹងបិទផ្សាយលទ្ធផលតាមបណ្ដាខេត្តផ្សេងទៀត៕