លោក នេត សាវឿន សង្កត់ធ្ងន់ថា កងកម្លាំងគ្រប់ស្ថាប័ន ត្រូវរួមគ្នាដើម្បីការពារសន្ដិសុខ សណ្ដាប់ធ្នាប់ និងសុវត្ថិភាពឲ្យបាន ក្នុងអំឡុងព្រឹត្តិការណ៍ប្រកួតកីឡាស៊ីហ្គេម។ លោក បន្តថា ការធានាសន្ដិសុខ សណ្ដាប់ធ្នាប់ និងសុវត្ថិភាព គឺដើម្បីលើកស្ទូយកិត្តិយស និងកិត្យានុភាពជាតិ។ លោក ហ៊ីង ប៊ុនហៀង និងលោក សៅ សុខា គាំទ្រចំពោះការលើកឡើងរបស់លោក នេត សាវឿន។  

 

«យើង ខិតខំទាំងអស់គ្នាដើម្បីសម្រេចភារកិច្ចប្រកបដោយមោទនភាពជាតិនេះ»។ នេះជាប្រសាសន៍របស់លោក នេត សាវឿន។

 

ខ្លឹមសារអំពីកិច្ចប្រជុំរបស់ថ្នាក់ដឹកនាំប្រដាប់អាវុធទាំង៣ផ្នែកខាងលើ ត្រូវបានផ្សព្វផ្សាយលើគេហទំព័ររបស់អគ្គស្នងការដ្ឋាននគរបាលជាតិ។ 

 

សូមបញ្ជាក់ខ្លីថា ពិធីបើកព្រឹត្តិការណ៍ស៊ីហ្គេម នឹងប្រព្រឹត្តទៅនៅថ្ងៃទី៥ ខែឧសភា ហើយនឹងត្រូវបិទបញ្ចប់វិញ នៅថ្ងៃទី១៧ ខែឧសភា ឆ្នាំ២០២៣៕