កីឡាករប៉េតង់ ថោង ឈឿន បានមេដាយប្រាក់ក្នុងព្រឹត្តិការណ៍កីឡាស៊ីហ្គេមលើកទី៣២ ក្រោយចាញ់កីឡាករឡាវ Phoudthala Keokanninka លើវិញ្ញាសាវាយយកពិន្ទុ ៣៩-៣៣ នៅពហុកីឡដ្ឋានជាតិអូឡាំពិក។

 

នាការប្រកួតជុំទីមួយ កីឡាករ ថោង ឈឿន និងកីឡាករឡាវ Phoudthala Keokanninka បានចាប់ដៃគ្នាឡើងទៅវគ្គពាក់កណ្តាលផ្តាច់ព្រ័ត្រ ជាមួយនឹងសម្រេចបាន៤៤ពិន្ទុ និង៤១ពិន្ទុ។

 

នៅវគ្គពាក់កណ្តាលផ្តាច់ព្រ័ត្រ ថោង ឈឿន ឈ្នះវៀតណាម Van Dung Nguyen ក្នុងលទ្ធផល ៣៤-២៥ រីឯកីឡាករឡាវ Phoudthala ឈ្នះកីឡាករថៃ Supan Thongphoo ក្នុងលទ្ធផល ៤៦-៤២។

 

កីឡាករឡាវបានមេដាយមាស ថោង ឈឿន បានមេដាយប្រាក់ រីឯកីឡាករវៀតណាម និងថៃ បានមេដាយសំរឹទ្ធស្ទួន៕