ខេត្តមួយចំនួនដែលនៅតំបន់ខ្ពង់រាប នឹងមានភ្លៀងធ្លាក់ពីតិច ទៅមធ្យម ក្នុងរយៈពេល១សប្តាហ៍។ ចំណែក រាជធានីភ្នំពេញ និងបណ្ដាខេត្ត នឹងមានភ្លៀងធ្លាក់ពីកម្រិតមធ្យម ទៅច្រើន ព្រមទាំងមានខ្យល់កន្រ្តាក់ ផ្គរ រន្ទះ។
 

ជាមួយគ្នានេះ បណ្ដាខេត្តនៅតំបន់វាលទំនាបកណ្ដាល អាចនឹងមានភ្លៀងធ្លាក់រាយប៉ាយ ក្នុងកម្រិតតិចទៅបង្គួរ លាយឡំដោយ ផ្គរ រន្ទះ និងខ្យល់កន្ត្រាក់។ ទន្ទឹមនឹងនោះ បណ្ដាខេត្តនៅតំបន់មាត់សមុទ្រ អាចនឹងមានភ្លៀងធ្លាក់ក្នុងកម្រិតមធ្យម  លាយឡំទៅដោយផ្គរ រន្ទះ និងខ្យល់កន្ត្រាក់ផងដែរ។ 
 

សូមបញ្ជាក់ដែរ ក្រសួងធនធានទឹក និងឧតុនិយម ក៏​បានអំពាវនាវឱ្យប្រជាពលរដ្ឋប្រុងប្រយ័ត្នចំពោះបាតុភូតភ្លៀង ផ្គរ រន្ទះ លាយឡំ និងខ្យល់កន្ត្រាក់ ដើម្បីចៀសវាងគ្រោះថ្នាក់កើតឡើងជាយថាហេតុ៕