នាពិធីសំណេះសំណាលកម្មករ កម្មការិនី​ ក្នុងខណ្ឌពោធិ៍សែនជ័យ កាលពីថ្ងៃទី១៣មិថុនា​ លោក អ៊ិត សំហេង បានបញ្ជាក់ថា ក្នុងចំណោមរោងចក្រទាំងជាង៩ពាន់កន្លែងនេះ គឺមានរោងចក្រសហគ្រាសក្នុងវិស័យកាត់ដេរសម្លៀកបំពាក់ចំនួន៧២៧កន្លែង ដែលមានកម្មករនិយោជិក៣៤ម៉ឺននាក់ និងមានប្រាក់ឈ្មួលជាមធ្យម​១,១ពាន់ដុល្លារក្នុងមួយឆ្នាំ។​

 

រដ្ឋមន្ត្រីក្រសួងការងារបន្តរៀបរាប់ថា ចំពោះរោងចក្រសហគ្រាសក្នុងវិស័យកាត់ដេរនៅទូទាំងប្រទេសបានកើនដល់​ ១ ៣២៦កន្លែង មានកម្មករប្រមាណ៨៤ម៉ឺននាក់ រីឯតម្លៃនៃការនាំចេញមានរហូតដល់ ១៣ពាន់លានដុល្លារក្នុងឆ្នាំ២០២២។ រោងចក្រសហគ្រាសក្នុងវិស័យកាត់ដេរទាំងនោះ ភាគច្រើនគឺផលិតផលិតផលធ្វើដំណើរ កាបូប ដេរស្បែកជើង ​និងសម្លៀកបំពាក់ សម្រាប់នាំទៅទីផ្សារសហគមន៍​អឺរ៉ុប សហរដ្ឋអាម៉េរិក កាណាដា និងជប៉ុន​ ជាដើម៕