អគ្គលេខាធិការសហព័ន្ធកីឡាបាល់ទះកម្ពុជារូបនេះ មើលឃើញពីការកើនឡើងនូវសមត្ថភាព និងកម្រិតគុណផលកីឡាករបាល់ទះក្នុងសាលកម្ពុជា ដែលកំពុងតែមានការវិវត្តន៍លឿនទៅមុខយ៉ាងឆាប់រហ័ស ។

 

លោក អាំង សិរីពិសិដ្ឋ និយាយថា៖«ក្នុងនាមអគ្គលេខាធិការសហព័ន្ធ តំណាងប្រធានសហព័ន្ធ គឺយើងធ្វើម៉េចឱ្យកីឡាករកម្ពុជាប្រឡូកលីគខាប់អន្តរជាតិឱ្យបានច្រើន»។ 

លោក សិរីពិសិដ្ឋ បន្ថែមថា កីឡាករកម្ពុជាមានកម្រិតលេងក្នុងតំបន់អាស៊ានហើយ ប៉ុន្តែត្រូវបង្កើនសមត្ថភាពឱ្យមានកម្រិតខ្ពស់ ដើម្បីទទួលបានបទពិសោធ និងបច្ចេកទេសថ្មីបន្ថែមទៀត នៅតំបន់អន្តរជាតិ។

 

លោកអគ្គលេខាធិការ បន្តថា៖«ប្រសិនបើយើងលេងតែនៅក្នុងស្រុក កម្រិតគុណភាពរបស់យើងនៅតែក្នុងស្រុកទេ មិនអាចកើនឡើងបានទេ ព្រោះថាក្រោយបញ្ចប់ព្រឹត្តិការណ៍កីឡាស៊ីហ្គេម២០២៣ យើងបានរៀបចំផែនការចុងក្រោយគឺសម្រេចគោលដៅមេដាយមាស»។

 

គួរបញ្ជាក់ថា ការប្រកួតបាល់ទះមិត្តភាពជាតិ បញ្ចប់៥សិត ក្រុមបាល់ទះវិសាខា យកឈ្នះក្រសួងមហាផ្ទៃក្នុងលទ្ធផល ៣-២សិត(២៥-២២,២៥-២៣,២២-២៥,២១-២៥,១៦-១៤) ក្នុងការប្រកួតបាល់ទះមិត្តភាពជាតិ នាពហុកីឡដ្ឋានជាតិអូឡាំពិក ថ្ងៃទី១៦ ខែមិថុនា ឆ្នាំ២០២៣៕