សម្រាប់វគ្គសន្សំពិន្ទុក្នុងពូល ក្នុងពូល A ថៃជាម្ចាស់ផ្ទះ ដោយរួមមាន តួកម៉េនីស្ថាន ចិនហុងកុង និងចិន ពូល B មានឥណ្ឌូណេស៊ី ជាម្ចាស់ផ្ទះ ជាមួយអារ៉ាប៊ីសាអូឌីត អាហ្វហ្គានីស្ថាន និងម៉ាកាវ ពូល C មានសាធារណរដ្ឋអ៊ីរ៉ង់ លីបង់ កៀហ្ស៊ីស៊ីស្ថាន ជាម្ចាស់ផ្ទះ និងម៉ាល់ឌីវ។

 

ចំណែកពូល D មានវៀតណាម កូរ៉េខាងត្បូង នេប៉ាល់ និងម៉ុងហ្គោលី ជាម្ចាស់ផ្ទះ ពូល E តាជីគីស្ថាន ជាម្ចាស់ផ្ទះ មីយ៉ាន់ម៉ា ប៉ាឡេស្ទីន និងឥណ្ឌា រីឯពូល F រួមមានគុយវ៉ែត បារ៉ែន ជាម្ចាស់ផ្ទះ ទីម័រខាងកើត និងព្រុយណេ។ ដោយឡែកពូល G រួមមាន កម្ពុជា ម្ចាស់ផ្ទះអ៊ូសបេគីស្ថាន ម៉ាឡេស៊ី និងអ៊ីរ៉ាក់ និងពូល H មានបីប្រទេសប៉ុណ្ណោះ ដោយមានឆាយនីស តៃប៉ិ ជាម្ចាស់ផ្ទះ រួមជាមួយម្ចាស់ជើងឯកឆ្នាំ២០២២ ជប៉ុន និងអូស្ត្រាលី។
 

ជប៉ុន ជាក្រុមម្ចាស់ការពារជើងឯក AFC Futsal Asian Cup និងជាម្ចាស់ពាន៤សម័យកាល ស្របពេលអ៊ីរ៉ង់ឈ្នះពាននេះច្រើនជាងគេចំនួន១២លើក។ ថៃ ជាប្រទេសតំបន់អាស៊ីអាគ្នេយ៍តែមួយគត់ ឈានដល់វគ្គផ្តាច់ព្រ័ត្រ តែបានត្រឹមរងជើងឯកទាំងពីរលើក៕