ក្រុមខ្លាំងមកពីតៃវ៉ាន់ Win Streak បើការនាំមុខក្រុមវិសាខា ក្នុងពីរសិតដំបូងដោយនៅក្នុងសិតទី១ នាំមុខលទ្ធផលដាច់ឆ្ងាយ ២៥-១៧ និងសិតទី២ ក្នុងលទ្ធផល ២៥-១៨។

 

 

នៅក្នុងសិតទី៣ វិសាខា បើកការតដៃមកវិញបានមួយសិតដោយការប្រកួតដ៏តានតឹងបានអូសបន្លាយរហូតដល់ពិន្ទុ ២៧-២៥។ ចូលដល់សិតទី៤ Win Streak របស់តៃវ៉ាន់ បានបន្តយកឈ្នះក្រុមម្ចាស់ពានរង្វាន់បាល់ទះសម្តេច ស ខេង វិសាខា ដោយលទ្ធផលប្រដេញពិន្ទុគ្នា ២៥-២១។

 

គួបញ្ជាក់ថា ប្រកួតបន្ទាប់របស់ក្រុមកម្ពុជា សមាគមបាល់ទះវិសាខា នឹងត្រូវជួបក្រុម Sarawak របស់ម៉ាឡេស៊ី នៅថ្ងៃទី២៣ ខែមិថុនា ឆ្នាំ២០២៣។ ព្រឹត្តិការណ៍ Johor Bahru-Mayor’s Cup 2023 មានរយៈពេលប្រកួត៤ថ្ងៃ ចាប់ពីថ្ងៃទី២២ ដល់២៥ ខែមិថុនា។

 

សម្រាប់ពូល A ក្រុមមកពីតៃវ៉ាន់ Win Streak ២ប្រកួតមិនទាន់ស្គាល់ពាក្យចាញ់មាន ៦ពិន្ទុ  ដោយប្រកួតដំបូងយកឈ្នះក្រុមម៉ាឡេស៊ី Sarawak ក្នុងលទ្ធផល ៣-០សិត និងបន្តឈ្នះក្រុមវិសាខា ៣-១សិត។ ចំណែក វិសាខា ឈរលេខ២ មាន៣ពិន្ទុ ដោយពីរប្រកួតរបស់ខ្លួន ឈ្នះJohor SUKMA ៣-០សិត និងចាញ់ក្រុម Win Streak ១-៣សិត រីឯក្រុមម៉ាឡេស៊ីទាំងពីរ Sarawak និង Johor SUKMA សុទ្ធតែពុំទាន់មានពិន្ទុក្នុងដៃនៅឡើយ៕