លោក ហុក សុកុល ជាស្ថាបត្យករល្បីមួយរូប ដែលបានអភិរក្សផ្ទះបុរាណខ្មែរលើទឹកដីសៀមរាប បានពន្យល់ថា ផ្ទះល្វែងមានវត្តមានក្រោយផ្ទះកន្តាំង ដោយឡែកផ្ទះល្វែង ឬផ្ទះពាណិជ្ជកម្ម បានក្លាយពីប្រភេទផ្ទះរុស្សីរបស់ចិន និងទទួលឥទ្ធិពលគ្រឿងសំណង់ ពីបារាំង ដែលអាចឱ្យជញ្ជំាងផ្ទះនីមួយៗសង់ជាប់គ្នាបាន។ លោក លើកឡើងបែបនេះ ក្នុងវេទិកាពិភាក្សាសិល្បៈខ្មែរពីតំបន់អង្គរ ស្តីពី ស្ថាបត្យកម្មខ្មែរ នាសម័យសច្ចុប្បន្ន នៅមជ្ឈមណ្ឌលសិល្បៈ Blue Art Center ក្នុងក្រុងសៀមរាម ។