លោក Chris Hipkins កំពុងបំពេញទស្សនកិច្ចផ្លូវនៅចិន ក្នុងគោលបំណងជំរុញទំនាក់ទំនងពាណិជ្ជកម្មជាមួយប្រទេសសេដ្ឋកិច្ចធំទីពីររបស់ពិភពលោក។ ស្ទើរតែមួយភាគបួននៃប្រាក់ចំណូលនាំចេញរបស់នូវែលសេឡង់បានមកពីចិនដែលលឱ្យនូវែលសេឡង់ក្លាយជាប្រទេសពឹងផ្អែកខ្លាំងបំផុតជាមួយទីក្រុងប៉េកាំង បើធៀបប្រទេសលោកខាងលិចផ្សេងទៀត។ ឥទ្ធិពលចិនមកលើនូវែលសេឡង់ បានធ្វើឱ្យសម្ព័ន្ធមិត្តរបស់ទីក្រុងវែលីងតោនព្រួយបារម្ភជាខ្លាំង។

 

«ចិនអាចដើរតួក្នុងការដោះស្រាយបញ្ហាប្រឈមពិភពលោករួមគ្នា ដូចជាការប្រែប្រួលអាកាសធាតុ និងសង្រ្គាមនៅអ៊ុយក្រែន» ។ លោកនាយករដ្ឋមន្រ្តីបញ្ជាក់បែបនេះនេះក្នុងសេចក្តីថ្លែងការណ៍មួយ មុនបន្តថា​ នូវែលសេឡង់នឹងនៅតែប្រកាន់ជានិច្ចនូវការដោះស្រាយ និងលទ្ធផលដែលឆ្លុះបញ្ចាំងពីគោលនយោបាយការបរទេសឯករាជ្យរបស់នូវែលសេឡង់ ឬផលប្រយោជន៍ និងតម្លៃនូវរបៀបដែលគួរឱ្យគោរព និងមិនមានការផ្លាស់ប្តូរ។

 

ចំណែកលោក ស៊ី បានប្រាប់ Hipkins ថា ទំនាក់ទំនងទ្វេភាគីបាន បន្តអភិវឌ្ឍប្រកបដោយសុខុមាលភាព និងស្ថិរភាព នាំមកនូវផលប្រយោជន៍ជាក់ស្តែងដល់ប្រជាជនទាំងពីរ។ នេះបើតាមការផ្សាយរបស់ទូរទស្សន៍រដ្ឋចិន CCTV ។

 

ភាគីទាំងពីរគួរតែធ្វើការរួមគ្នាដើម្បីលើកកម្ពស់ការអភិវឌ្ឍប្រកបដោយស្ថិរភាព និងយូរអង្វែងនៃទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយចិន-នូវែលសេឡង់។ លោក ស៊ី បានលើកឡើងបន្ថែម ៕