ជាតិ
លោក ឌិត ទីណា រដ្ឋមន្រ្តីក្រសួងកសិកម្ម ជួបសំណេះសំណាលជាមួយតំណាងសហភាពសហគមន៍កសិកម្មព្រះវិហារមានជ័យ នៅស្រុករវៀង ខេត្តព្រះវិហារ។ រូបភាពពី_ក្រសួងកសិកម្ម
×![]()
ភ្នំពេញ៖ ក្រសួងកសិកម្មគ្រោងបង្កើតគម្រោងសហគមន៍កសិកម្មបែបថ្មីមួយដែលនឹងជួយអភិវឌ្ឍវិស័យកសិកម្មផង និងជួយដល់កសិករផង។ គំនិតផ្តួចផ្ដើមនេះត្រូវបានលើកឡើងដោយលោករដ្ឋមន្ត្រីកសិកម្ម ឌិត ទីណា នៅក្នុងពិធីជួបជុំជាមួយតំណាងសហភាពសហគមន៍កសិកម្មព្រះវិហារមានជ័យនៅថ្ងៃទី២៩ខែមិថុនានេះ។
សហគមន៍កសិកម្មនេះនឹងបង្កើនប្រាក់ចំណេញដល់សមាជិកសហគមន៍ប្រកបដោយចីរភាព និងសមភាព។ នេះបើតាមអះអាងរបស់លោករដ្ឋមន្ត្រី ឌិត ទីណា ដែលត្រូវបានដកស្រង់នៅក្នុងអត្ថបទខ្លីនៅលើទំព័រហ្វេសប៊ុក ក្រសួងកសិកម្ម រុក្ខាប្រមាញ់ និងនេសាទ។
រូបភាពពី_ក្រសួងកសិកម្ម
យោងតាមទំព័រហ្វេសប៊ុកដដែលនេះ លោករដ្ឋមន្ត្រីមានប្រសាសន៍យ៉ាងដូច្នេះ៖«គំនិតផ្ដួចផ្តើមបង្កើតសហគមន៍ថ្មីនេះ ធ្វើឡើងដោយឈរលើទស្សនៈវិស័យវែងឆ្ងាយដើម្បីអភិវឌ្ឍវិស័យកសិកម្ម ជួយបង្កើនបច្ចេកទេសដាំដុះ និងជួយស្វែងរកទីផ្សារ។»។
នៅក្នុងក្របខណ្ឌនៃសហគមន៍កសិកម្មថ្មីនេះ បើតាមការបញ្ជាក់របស់លោករដ្ឋមន្ត្រី ក្រសួងកសិកម្មនឹងធ្វើការកិច្ចការជាច្រើនដើម្បីជួយសហគមន៍នេះដូចជា៖ ការស្វែងរកប្រមូលទុនវិនិយោគ បណ្ដុះបណ្ដាលជំនាញបច្ចេកទេស ដោះស្រាយបញ្ហាប្រឈមក្នុងវិស័យកសិកម្មដែលកើតឡើងដោយការប្រែប្រួលអាកាសធាតុ ការរៀបចំពូជតាមតម្រូវការទីផ្សារ។
បើសិនជាការរៀបចំគំនិតផ្តួចផ្ដើមនេះមានដំណើរការល្អ ក្រសួងកសិកម្មនឹងចាប់ផ្តើមគម្រោងថ្មីនេះលើដំណាំស្រូវ ស្វាយចន្ទី និងម្រេច៕
Tag:
កសិកម្ម
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 ថ្ងៃ
