បើតាមកសិករស្រុកបន្ទាយស្រីរូបនេះ «រ៉ូកែត» មិនពិបាកក្នុងការដាំដុះឡើយ បើទោះជាបន្លែនាំពូជចូលពីក្រៅស្រុកក៏ដោយ ពោលគឺការដាំដុះមិនខុសគ្នាពីបន្លែស្លឹកនានានោះទេ។ ប៉ុន្តែពិបាកក្នុងការថែទាំ ដោយបន្លែប្រភេទនេះតែងយាយីដោយ ដង្កូវស៊ីស្លឹក។ 
 

មិនមែនដង្កូវស៊ីស្លឹក មានភាពលំបាកក្នុងការកម្ចាត់នោះឡើយ តែដោយសារការដាំបន្លែរបស់លោក ម៉ាត់ គឺស្ថិតក្រោមស្លាក «បន្លែធម្មជាតិ និងសុវត្ថិភាព» ម្លោះហើយការដាំគឺប្រើប្រាស់ថ្នាំធម្មជាតិដែលផ្សំឡើងពីផ្លែស្ដៅ និងការដើរចាប់ដង្កូវតែម្ដង។ ចំពោះការប្រើប្រាស់ជីវិញ គឺជីកំប៉ុស។ 
 

បច្ចុប្បន្នដំណាំ «រ៉ូកែត» របស់លោក ម៉ាត់ កំពុងផ្គត់ផ្គង់ទីផ្សារក្នុងខេត្តសៀមរាប ក្នុងតម្លៃ១៥ ០០០រៀល ក្នុង១គីឡូក្រាម ហើយជាមធ្យមលោកអាចប្រមូលផលបន្លែនេះបាន ពី៦ទៅ ៧គីឡូក្រាម ក្នុង១សប្ដាហ៍ ទៅតាមតម្រូវការអតិថិជន៕