ជាតិ
«ពីចម្ការ ទៅខ្ទះឆា» ជំនួបអ្នកផលិត,អ្នកទិញ និងចុងភៅ ឈ្វេងយល់ពីតម្រូវការកសិផល រូបភាពពីទំព័រហ្វេសប៊ុក អង្គការអាគ្រីស៊ុត ប្រចាំកម្ពុជា។
× សៀមរាប៖ អង្គការអាគ្រីស៊ុត ប្រចាំកម្ពុជា (AGRISUD International Cambodia) បានរៀបចំកម្មវិធី «ពីចម្ការ ទៅខ្ទះឆា» ដើម្បីឈ្វេងយល់ពីតម្រូវការកសិផល រវាងអ្នកផលិត, អ្នកទិញ និងចុងភៅ។ ជំនួបពហុភាគីនេះ បានពិភាក្សាគ្នាពីបញ្ហាប្រឈមរបស់កសិករ និងតម្រូវការកសិផល របស់អ្នកទទួលទិញជាដើម។
ដើម្បីជ្រាបច្បាស់សូមលោកអ្នកនាងទស្សនាបទសម្ភាសរវាងលោក ស៊ុល រ៉វី ជាមួយលោក ជិញ ភារៈ អនុប្រធានសម្របសម្រួលគម្រោង នៃអង្គការ AGRISUD International Cambodia ដូចតទៅ៖
កម្មវិធី «ពីចម្ការ ទៅខ្ទះឆា»នេះ បានរៀបចំឡើងនៅថ្ងៃទី៣០មិថុនា នៅបន្ទាយក្រអូបឃុនរាម ក្នុងស្រុកបន្ទាយស្រី ខេត្តសៀមរាប។ នាជំនួបនោះមានអ្នកចូលរួមចំនួន១០៩នាក់ រួមមាន អាជ្ញាធរស្រុក ឃុំ ភូមិ គ្រូបង្គោល កសិករ អង្គការដៃគូ ដៃគូអាជីវកម្ម ចុងភៅពីសាលាបាយ និងបុគ្គលិ កសមាគមអ្នកដាំបន្លែសុវត្ថិភាពសៀមរាប។
គួរជម្រាបផងដែរថា បច្ចុប្បន្នអង្គការអាគ្រីស៊ុត កំពុងគាំទ្រកសិករលើវិស័យកសិកម្ម តាមរយៈ ការផ្តល់បច្ចេកទេសដល់សហគមន៍ ក្នុងការផលិតផលមានគុណភាព និងសុវត្ថិភាព ដើម្បីជំរុញផលិតកម្មចូលទៅក្នុងទីផ្សារឱ្យបានទូលំទូលាយ។ តាំងពីឆ្នាំ២០១១មក អង្គការនេះបានបណ្ដុះបណ្ដាលកសិករសរុបចំនួន ១ ៩៧០គ្រួសារ ក្នុងស្រុកពួក, ក្រុងសៀមរាប, ស្រុកប្រាសាទបាគង, ស្រុកបន្ទាយស្រី និងស្រុកស្វាយលើ ក្នុងខេត្តសៀមរាប៕
Tag:
ThmeyThmey
កសិកម្ម
ពីចម្ការ ទៅផ្ទះឆា
Argisud
សៀមរាប
© រក្សាសិទ្ធិដោយ thmeythmey.com