កម្មវិធី «ពីចម្ការ ទៅខ្ទះឆា»​នេះ បានរៀបចំឡើងនៅថ្ងៃទី៣០មិថុនា នៅបន្ទាយក្រអូបឃុនរាម ក្នុងស្រុកបន្ទាយស្រី​ ខេត្តសៀមរាប។ នាជំនួបនោះមានអ្នកចូលរួមចំនួន១០៩នាក់ រួមមាន អាជ្ញាធរស្រុក ឃុំ ភូមិ គ្រូបង្គោល កសិករ អង្គការដៃគូ ដៃគូអាជីវកម្ម ចុងភៅពីសាលាបាយ និង​បុគ្គលិ កសមាគមអ្នកដាំបន្លែសុវត្ថិភាពសៀមរាប។ 
 

គួរជម្រាបផងដែរថា បច្ចុប្បន្នអង្គការអាគ្រីស៊ុត កំពុងគាំទ្រកសិករលើវិស័យកសិកម្ម តាមរយៈ ការផ្តល់បច្ចេកទេសដល់សហគមន៍ ក្នុងការផលិតផលមានគុណភាព និងសុវត្ថិភាព ដើម្បីជំរុញផលិតកម្ម​ចូលទៅក្នុងទីផ្សារ​ឱ្យបានទូលំទូលាយ។ តាំងពីឆ្នាំ២០១១មក អង្គការនេះបានបណ្ដុះបណ្ដាលកសិករសរុបចំនួន ១ ៩៧០គ្រួសារ ក្នុងស្រុកពួក, ក្រុងសៀមរាប, ស្រុកប្រាសាទបាគង, ស្រុកបន្ទាយស្រី និងស្រុកស្វាយលើ ក្នុងខេត្តសៀមរាប៕