កីឡាជាតិ
ជាតិ
អបអរ! ម្ចាស់មេដាយមាស៣ លី បូរ៉ាមី និងមេដាយមាស៣ប្រាក់១សំរឹទ្ធ១ ពៅ សុខា ចូលរោងការថ្ងៃនេះ ពៅ សុខា ថតជាមួយ លី បូរ៉ាមី អង្គុយកៅអី រូបពីហ្វេសប៊ុក ពៅ សុខា
× កីឡាករ លី បូរ៉ាមី ម្ចាស់មេដាយមាស៣ លើប្រភេទកីឡាវ៉ូវីណាម ក្នុងព្រឹត្តិការណ៍ស៊ីហ្គេម លើកទី៣២ បានរៀបអាពាហ៍ពិពាហ៍ ជាមួយកីឡាការិនី ពៅ សុខា ម្ចាស់មេដាយមាស៣ ប្រាក់១ និងសំរិទ្ធ១ នៅថ្ងៃទី៦ ខែកក្កដា ឆ្នាំ២០២៣។
ចាប់ដៃគ្នាចូលរោងជ័យ បន្ទាប់ពីកូនកំលោះកូនក្រមុំទាំងពីរ ជាអត្តពលិកលេចធ្លោក្នុងការដណ្តើមមេដាយ ដោយក្នុងនោះសរុបមេដាយរបស់បូរ៉ាមី និងសុខា មានចំនួនដល់ទៅ៨ មាស៦ ប្រាក់១ និងសំរឹទ្ធ១។
កីឡាករ លី បូរ៉ាមី ឈ្នះមេដាយមាស ៣ ក្នុងព្រឹត្តិការណ៍ស៊ីហ្គេម លើកទី៣២ នៅកម្ពុជា ប្រភេទកីឡាវ៉ូវីណាម លើវិញ្ញាសា សម្ដែងឯកត្ដជនបុរស Five Gate Form, Sun-Moon Broadsword Form និងវិញ្ញាសាសម្ដែងជាក្រុម៤នាក់ Ying-Yang Sword 4x។
កីឡាការិនី ពៅ សុខា ឈ្នះមេដាយមាស៣ ក្នុងព្រឹត្តិការណ៍ស៊ីហ្គេម លើកទី៣២ នៅកម្ពុជា ប្រភេទកីឡាវ៉ូវីណាម លើប្រភេទវិញ្ញាសា Pair Sword Form, Ying-Yang Sword Form 4x និង Basic self-defense។ កីឡាការិនីរូបនេះ ក៏ដណ្ដើមបានមេដាយប្រាក់ ១លើវិញ្ញាសា Ying-Yang Sword Form និងមេដាយសំរិទ្ធ១ វិញ្ញាសា Dual Form ផងដែរ។
តាមរយៈការទទួលបានមេដាយមាសចំនួន៣ពីព្រឹត្តិការណ៍ស៊ីហ្គេមលើកទី៣២ កីឡាករវ៉ូវីណាម លី បូរ៉ាមី ទទួលបានប្រាក់រង្វាន់ពីរដ្ឋាភិបាល ចំនួន ១២០លានរៀល ស្របពេល កីឡាការិនី ពៅ សុខា ទទួលបាន ១៦៦លានរៀល។
ក្រោយបញ្ចប់ស៊ីហ្គេមជាប្រវត្តិសាស្ត្រនៅកម្ពុជា កីឡាករ-កីឡាការិនីជម្រើសជាតិវ៉ូវីណាមទទួលបានប្រាក់រង្វាន់លើកទឹកចិត្តច្រើនជាងគេក្នុងចំណោមប្រភេទកីឡាករទាំងអស់របស់ម្ចាស់ផ្ទះកម្ពុជាក្នុងចំនួន១៩៦០០០ដុរល្លារ ពីរាជរដ្ឋាភិបាលកម្ពុជា តាមរយៈការឈ្នះមេដាយសរុប២៧ ក្នុងនោះ មាស១០ ប្រាក់៨ និងសំរឹទ្ធ៩។ ប្រាក់រង្វាន់បានប្រគល់ជូនដល់អត្តពលិកទាំងអស់រួចរាល់ហើយ នៅថ្ងៃទី២៧ ខែមិថុនា ឆ្នាំ២០២៣៕
Tag:
ពៅ សុខា
លី បូរ៉ាមី
វ៉ូវីណាម
© រក្សាសិទ្ធិដោយ thmeythmey.com