ជាតិ
សង្គមជាតិ
អបអរសាទរ! កូនផ្សោតទី៥បានកើត នៅអន្លង់ផ្សោតកាំពី
× កូនផ្សោតថ្មីមួយទៀតដែលទើបកើតបានប្រមាណ១០ថ្ងៃ ត្រូវបានក្រុមស្រាវជ្រាវនៃខណ្ឌរដ្ឋបាលជលផល និងអង្គការ World Wildlife Fund (WWF) ប្រទះឃើញនៅចំណុចអន្ទង់វៀន នៃអន្លង់កាំពី ភូមិកាំពី ឃុំសំបុក ស្រុកចិត្របុរី ខេត្តក្រចេះ។ នេះ ជាកូនផ្សោតទី៥ហើយ ចាប់ពីខែមករា ដល់ខែកក្កដា ឆ្នាំ២០២៣។
បើតាមតាមការចុះផ្សាយរបស់ក្រសួងកសិកម្ម រុក្ខាប្រមាញ់ និងនេសាទ បន្ទាប់ពីក្រុមការងារទទួលបានព័ត៌មានពីក្រុមសហគមន៍អ្នកចម្លងទូកទេសចរណ៍ និងក្រុមឆ្នាំទន្លេប្រចាំអន្លង់កាំពី ក៏ចុះថតបានកូនផ្សោតនេះនាម៉ោង១១៖៣០នាទីព្រឹកនាថ្ងៃទី៧កក្កដា ដែលកំពុងហែលទឹកជាមួយផ្សោតពេញវ័យចំនួន៩ក្បាលទៀត ស្ថិតចំណុចអន្ទង់វៀន នៃអន្លង់កាំពី។
ការប្រទះឃើញកូនផ្សោតថ្មីនោះ ត្រូវបានក្រុមស្រាវជ្រាវនៃខណ្ឌរដ្ឋបាលជលផលខេត្តក្រចេះ និងស្ទឹងត្រែង រដ្ឋបាលជលផលនៃក្រសួងកសិកម្ម រួមនឹងអង្គការ WWF កត់ត្រាថា ជាកូនផ្សោតថ្មីទី៥ រស់នៅអន្លង់កាំពី ។
សូមជម្រាបថា កាលឆ្នាំ២០២២ក្រុមការងារជំនាញបានកត់ត្រាថាមានកូនផ្សោតបានចំនួន៦ក្បាលកើត និងនៅឆ្នាំ២០២១ ក៏មានកូនផ្សោតចំនួន៦ក្បាល បានកើតដែរ៕
© រក្សាសិទ្ធិដោយ thmeythmey.com