កន្លងមក ការសិក្សាស្រាវជ្រាវរបស់អង្គការសត្វព្រៃនិងរុក្ខជាតិជាមួយក្រសួងបរិស្ថាន ក្នុងឆ្នាំ ២០២១ បានរកឃើញនូវវត្តមានឈ្លូសយក្សញីជាមួយកូននៅក្នុងឧទ្យានជាតិវីរៈជ័យ ដែលបានបង្ហាញថាប្រភេទសត្វនេះបានបន្តពូជនៅក្នុងតំបន់នេះ។ លោក ​នេត្រ ភក្ត្រា​ បានបញ្ជាក់យ៉ាងដូច្នេះ ៖​« ការរកឃើញបន្ថែមទៀតនូវវត្តមានប្រភេទសត្វនេះ គឺបានបញ្ជាក់យ៉ាងច្បាស់ថាប្រភេទសត្វដ៏កម្រនេះ កំពុងតែរស់នៅក្នុងតំបន់ឧទ្យានជាតិនេះ» ។ ទោះបីជាយ៉ាងនេះក្តី ប្រភេទសត្វឈ្លូសយក្សក៏កំពុងប្រឈមហានិភ័យនៃការផុតពូជផងដែរ ដោយសារពីកត្តាធម្មជាតិ ការគំរាមកំហែងពីការបរបាញ់ និងការដាក់អន្ទាក់។ 

 

« ដូចនេះ! ដើម្បីការពារសត្វឈ្លូសយក្សឲ្យបានគង់វង្ស យើងចាំបាច់ត្រូវការព័ត៌មានទិន្នន័យទាំងអស់នេះ ក្នុងការរៀបចំផែនការអភិរក្សជាក់ស្តែងជាបន្ទាន់ ដើម្បីការពារទីជម្រកចុងក្រោយសម្រាប់ប្រភេទសត្វដ៏កម្រមួយនេះ»។ នេះជាការអំពាវនាវ​របស់​អ្នកនាំពាក្យក្រសួងបរិស្ថានលោក នេត្រ ភក្ត្រា​៕