ដើម្បីជ្រាបច្បាស់សូមលោកអ្នកនាងទស្សនាបទសម្ភាសរវាង លោក ស៊ុល រ៉វី អ្នកសារព័ត៌មានសារព័ត៌មានថ្មីៗ ជាមួយ លោក លោក ប៉ែន ចំរ៉ុង អនុប្រធាននាយកដ្ឋានអភិវឌ្ឍន៍ទេសចរណ៍ និងវប្បធម៌ នៃអាជ្ញាធរជាតិអប្សរា ដូចតទៅ៖ 
 

 

សិក្ខាសាលាខាងលើនេះ មានរយៈពេល៤ខែ គឺចាប់ផ្ដើមពីថ្ងៃទី៦ខែកក្កដា រហូតដល់ខែតុលា ឆ្នាំ២០២៣។ សិក្ខាសាលានេះ បានផ្តោតទៅលើខ្លឹមសារដូចជា ការណែនាំអំពីតួនាទី គោលបំណង និងការគ្រប់គ្រងសារមន្ទីរ, វិធីសាស្រ្ត និងបច្ចេកទេសអំពីការរៀបចំ និងការតាំងពិព័រណ៌សារមន្ទីរ,  វិធីសាស្រ្ត និងបច្ចេកទេសនៃគោលនយោបាយគ្រប់គ្រងសមុច្ច័យ, ការធ្វើទីផ្សារ, ការផ្សព្វផ្សាយ និងការរចនាក្រាហ្វិកសម្រាប់ការផ្សាយពាណិជ្ជកម្ម។ 
 

គួរជម្រាបផងដែរថាសិក្ខាកាមចូលរួម២៥នាក់ ក្នុងនោះជាមន្ត្រីសារមន្ទីរ និងបុគ្គលិកអាជ្ញាធរជាតិអប្សរា, មន្ត្រីសារមន្ទីរ Eco-Global អាជ្ញាធរជាតិព្រះវិហារ, មន្ត្រីអាជ្ញាធរជាតិសំបូរព្រៃគុក, មន្ត្រីសារមនី្ទរជាតិកម្ពុជា និងនិងមន្ត្រីសារមន្ទីរប្រល័យពូជសាស្ត្រទួលស្លែង៕