ជាតិ
ធនាគារ អ៊ូរី ប្រារព្ធពិធីបិទវគ្គកម្មវិធី Talent Incubation Program ជំនាន់ទី២
× កាលពីថ្ងៃទី៣០ ខែមិថុនា ឆ្នាំ២០២៣ ធនាគារ អ៊ូរី បានរៀបចំពិធីបិទវគ្គបណ្តុះបណ្តាលពន្លកថ្មី (Talent Incubation) ជំនាន់ទី២ ដែលមានសិក្ខាកាមចំនួន៤៥នាក់ បានទទួលការអប់រំរយៈពេល៣ខែ ក្នុងកម្មវិធីនេះ។ កម្មវិធីនេះប្រព្រឹត្តទៅក្រោមអធិបតីភាព លោក Kim HongJu អគ្គនាយកប្រតិបត្តិនៃ ធនាគារ អ៊ូរី និងគណៈគ្រប់គ្រងជាន់ខ្ពស់ នៅការិយាល័យកណ្តាល។
អគ្គនាយកប្រតិបត្តិ លោក Kim HongJu បានបង្ហាញភាពរីករាយ ដែលលោក បានចូលរូមក្នុងព្រឹត្តិការណ៍ដ៏គួរឱ្យរំភើបនេះ គឺការបិទវគ្គសម្រាប់កម្មវិធី Talent Incubates ជំនាន់ទី២ របស់ធនាគារ។ សម្រាប់លោក អគ្គនាយកប្រតិបត្តិ នេះជាឱកាសពិសេសមួយ ក្នុងការរៀបចំប្រារព្ធពិធីអបអរសាទរអ្នកទាំងអស់គ្នា ក្នុងនាមជាអនាគតថ្នាក់ដឹកនាំ របស់ធនាគារនាពេលខាងមុខ។
លោក Kim HongJu បានបន្ថែមថា៖ «កម្មវិធី Talent Incubation ជាកម្មវិធីមួយក្នុងចំណោមយុទ្ធសាស្រ្ដ របស់បុគ្គលិកឆ្នើម ក្នុងធនាគាររបស់យើង។ កម្មវិធីនេះ បង្កើតឡើងក្នុងគោលបំណងចម្រាញ់និស្សិត ដែលបញ្ចប់ការសិក្សាថ្មីទាំងអស់ ពីសាកលវិទ្យាល័យនៅក្នុងប្រទេសកម្ពុជា។ អ្នកទាំងអស់គ្នា ត្រូវបានជ្រើសរើស ក្នុងកម្មវិធីនេះ ដោយជោគជ័យ និងឱកាសរៀនសូត្រ និងទទួលបានបទពិសោធន៍ នៃការចែករំលែកពីគ្រប់នាយកដ្ឋាន និងដើម្បីអភិវឌ្ឍ អាជីពរបស់អ្នករយៈពេលវែង នៅក្នុងធនាគាររបស់យើង។ អ្នកទាំងអស់គ្នា គឺពិសេសជាងបុគ្គលិកធនាគារផ្សេងៗទៀត ដោយសារអ្នកមានឱកាសបានរៀនសូត្រ ពីគ្រប់នាយកដ្ឋានទាំងអស់ រួមទាំងបទពិសោធន៍ នៅតាមសាខាទៀត»។
កម្មវិធីបណ្តុះបណ្តាលពន្លកថ្មីមានរយៈពេល៣ខែ ដោយចាប់ផ្តើមនៅខែមេសា និងបញ្ចប់នៅខែមិថុនា ឆ្នាំ២០២៣។ កម្មវិធីនេះ មានគោលបំណងជួយដល់និស្សិត ដែលកំពុងសិក្សា និងបានបញ្ចប់ការសិក្សាថ្មីៗ ដែលមិនមានបទពិសោធន៍ពីមុន ដោយផ្តល់ឱ្យពួកគេនូវកម្មវិធីពង្រឹងសមត្ថភាពដ៏ទូលំទូលាយ ដែលនឹងពន្លឿនការអភិវឌ្ឍវិជ្ជាជីវៈ និងសមិទ្ធផលការងាររបស់ពួកគេ នៅក្នុងធនាគារ អ៊ូរី។ លើសពីនេះ កម្មវិធីបានផ្តល់ឱកាសដល់សិក្ខាកាម ដែលចង់ទទួលបានបទពិសោធន៍ថ្មីសម្រាប់ការងារដំបូងរបស់ពួកគេក្នុងវិស័យធនាគារ។
យុវតី ថា សុខវី ដែលសិក្ខាកាមដ៏ឆ្នើមម្នាក់របស់យើងបាននិយាយថា មានតែ ធនាគារ អ៊ូរី ទេ ដែលផ្តល់កម្មវិធីនេះ សម្រាប់និស្សិតដែលស្វែងរកបទពិសោធន៍ នៅក្នុងធនាគារដែលមានផ្តល់ទាំងប្រាក់ឧបត្ថម្ភ ដើម្បីផ្គត់ផ្គង់ក្នុងកំឡុងពេលសិក្សា មុនពេលចាប់ផ្តើមប្រឡូកក្នុងការងារជាក់ស្តែង។ ហើយមិនមានធនាគារផ្សេងទៀតនៅក្នុងប្រទេសកម្ពុជា ដែលផ្តល់កម្មវិធីនេះពីមុននោះទេ។ យុវតី ថា សុខវី បន្ថែមថា៖ «ក្នុងអំឡុងពេលបីខែចុងក្រោយនេះ នាងខ្ញុំបានរៀនច្រើននូវចំណេះដឹង ពីគ្រប់នាយកដ្ឋានទាំងអស់នៅ ធនាគារ អ៊ូរី ជំនាញការងារជាក្រុម ជំនាញធ្វើបទបង្ហាញ និងជំនាញបច្ចេកទេសផ្សេងទៀត ដើម្បីប្រើប្រាស់ក្នុង ការងារជាក់ស្តែង»។
ធនាគារ អ៊ូរី បានបញ្ចប់វគ្គបណ្តុះបណ្តាលពន្លកថ្មី (Talent Incubation) ពីរជំនាន់រួចមកហើយ ដែលក្រុមទី១ ត្រូវបានបញ្ចប់ក្នុងខែកក្កដា ឆ្នាំ២០២២ និងជំនាន់ទី២ បានបញ្ចប់នៅខែមិថុនា ឆ្នាំ ២០២៣ នេះ។
កម្មវិធីនេះ ត្រូវបានបើកសម្រាប់និស្សិតក្នុងឆ្នាំទី២ឡើង ។ សិក្ខាកាមដែលបានជ្រើសរើសបានចូលរួមក្នុងកម្មវិធីបណ្តុះបណ្តាលរយៈពេលបីខែ ដែលរួមមានការតម្រង់ទិសបុគ្គលិកថ្មីរបស់ធនាគារ អ៊ូរី ក៏ដូចជាវគ្គសិក្សា និងវគ្គការងារទាំងអស់ ពីនាយកដ្ឋានផ្សេងៗ។ បន្ទាប់ពីបញ្ចប់កម្មវិធីបណ្តុះបណ្តាល ពន្លកថ្មីទាំងអស់នឹងត្រូវបានចាត់តាំងទៅកាន់មាគ៌ាអាជីពដ៏គួរឱ្យចាប់អារម្មណ៍របស់យើង ដើម្បីរៀបចំពួកគេសម្រាប់តួនាទីគ្រប់គ្រងនាពេលអនាគតនៅ ធនាគារ អ៊ូរី។ ឱកាសដ៏ពិសេសនេះ មានតែតាមរយៈកម្មវិធី Talent Incubation Program ប៉ុណ្ណោះ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com