រដ្ឋបាលឧតុនិយមកូរ៉េ (KMA) បានចេញសេចក្តីណែនាំសម្រាប់ទីក្រុងសេអ៊ូល និងខេត្តជុំវិញ Gyeonggi ដោយព្យាករណ៍ថា តំបន់ទីក្រុងសេអ៊ូលនឹងមានភ្លៀងធ្លាក់រហូតដល់ ១០០ មីលីម៉ែត្រ។ ការព្យាករណ៍ភ្លៀងធ្លាក់ខ្លាំងបានចូលជាធរមាននៅក្នុងទីក្រុង Incheon ភាគខាង លិចទីក្រុងសេអ៊ូលចាប់តាំងពីថ្ងៃទី២២ ខែកក្កដា។ 

 

KMA ក៏បានពង្រីកការប្រឹក្សាទៅកាន់តំបន់ចំនួនប្រាំមួយបន្ថែមទៀតនៅក្នុងខេត្តភាគខាង លិចនៃខេត្ត Chungcheong ខាងត្បូង ខណៈពេលដែលការចេញសេចក្តីណែនាំនេះនៅក្នុង ស្រុកភាគខាងជើង Cheorwon និង ស្រុក Hwacheon ក្នុងខេត្ត Gangwon និង ទីក្រុង Gunsan នៅខេត្ត Jeolla ខាងជើង។ សេចក្តីជូនដំណឹងអំពីភ្លៀងធ្លាក់ខ្លាំងត្រូវបានចេញនៅពេល ដែលទឹកភ្លៀងត្រូវបានរំពឹងថានឹងឡើងដល់លើសពី ៦០ មីលីម៉ែត្ររយៈពេល ៣ ម៉ោង ឬ ១១០ មីលីម៉ែត្រសម្រាប់រយៈពេល ១២ ម៉ោង។

 

កាលពីថ្ងៃទី២២ ខែកក្កដា រដ្ឋាភិបាលបានបង្កើនការប្រុងប្រយ័ត្នគ្រោះមហន្តរាយដល់កម្រិតទី ២ ពីកម្រិតទី ១ ដោយសារក្តីបារម្ភនៃការខូចខាតដោយសារភ្លៀងធ្លាក់ខ្លាំង។ ភ្លៀងធ្លាក់យ៉ាង គំហុកបានវាយលុកប្រទេសមួយនេះចាប់តាំងពីដើមខែកក្កដាដែលបណ្តាលឱ្យមានទឹកជំនន់ និងការរអិលបាក់ដី ហើយមនុស្សសរុបចំនួន ៤៧ នាក់បានស្លាប់ ខណៈ ៣ នាក់ទៀតកំពុង បាត់ខ្លួន៕