លើសពីការថែតម្បាញសូត្រ អង្គការ Color Silk បានផ្តល់ការងារដល់ស្ត្រីមេផ្ទះ និងកសិករដាំមន

ជាតិ

លើសពីការថែតម្បាញសូត្រ អង្គការ Color Silk បានផ្តល់ការងារដល់ស្ត្រីមេផ្ទះ និងកសិករដាំមន

24, Jul 2023 , 7:59 am

រូបភាព

សកម្មភាពក្នុងមជ្ឈមណ្ឌលបណ្ដុះបណ្ដាលជំនាញតម្បាញសូត្រ ក្នុងស្រុកបន្ទាយស្រី ខេត្តសៀមរាប។

ដោយ: ស៊ុល រ៉វី

សៀមរាប៖ ជាង៣ឆ្នាំមកហើយ អង្គការពណ៌សូត្រ (Color Silk Cambodia) ត្រូវបានបង្កើត មជ្ឈមណ្ឌលបណ្ដុះបណ្ដាលតម្បាញសូត្រដល់ស្ត្រី និងកសិករដាំមន តាមសហគមន៍នានា ក្នុងខេត្តសៀមរាប។ អង្គការពណ៌សូត្រ ជាស្ថាប័នគ្រប់គ្រងលើមជ្ឈមណ្ឌលបណ្ដុះបណ្ដាលតម្បាញសូត្រនេះ។ បើតាមស្ថាបនិកអង្គការពណ៌សូត្រ អ្នកស្រី ងន វ៉ាន់ថា ស្ត្រីដែលទទួលបានការបណ្ដុះបណ្ដាលរួច ពួកគេនឹងទទួលបានសម្ភារ និងវត្ថុធាតុដើមតម្បាញ នៅផ្ទះរៀងៗខ្លួន ឯអង្គការទទួលទិញផលិតផល និងរកទីផ្សារសូត្រទាំងនោះវិញ។ ចំណែកកសិករដាំមនវិញ ពួកគេទទួលបានបច្ចេកទេសដាំ និងពូជដើមមនពីអង្គការ។មជ្ឈមណ្ឌលបណ្ដុះបណ្ដាលជំនាញតម្បាញសូត្រ ដែលមានទីតាំងក្នុងស្រុកបន្ទាយស្រីនេះ បង្កើតឡើងនៅពាក់កណ្ដាលឆ្នាំ២០១៩ ក្រោមការឧបត្ថម្ភពីធនាគារមេយប៊ែង តាមរយៈកម្មវិធី Women Eco-Weavers។