ជាតិ
បទសម្ភាសន៍
វីដេអូ
×![]()
ដោយ: ប៉ូ សាគុន
ភ្នំពេញ៖ ការផលិតសៀវភៅសម្រាប់កុមារ ទាមទារការយកចិត្តទុកដាក់ខ្ពស់ទៅលើសុខភាពភ្នែក ការបង្ការគ្រោះថ្នាក់ដោយចៃដន់ដោយសារទម្រង់សៀវភៅ និងគ្រោះថ្នាក់ផ្សេងៗទៀត។ អង្គការស៊ីប៉ា បានផលិតសៀវភៅសម្រាប់កុមារជាច្រើនប្រភេទ។ សៀវភៅទាំងនោះត្រូវបានបែងចែក ទៅតាមកម្រិតអាយុរបស់កុមារយ៉ាងច្បាស់លាស់ ដើម្បីប្រាកដថាសៀវភៅនោះ ផ្ដល់ប្រយោជន៍ខ្ពស់ដល់កុមារ និងមិនធ្វើឱ្យកុមាររងគ្រោះ។
ដើម្បីជ្រាបច្បាស់ សូមអញ្ជើញលោកអ្នកនាង ទស្សនាកិច្ចសម្ភាសរវាង កញ្ញា ប៉ូ សាគុន នៃសារព័ត៌មានឌីជីថលថ្មីៗ និងកញ្ញា អ៊ូច សូដានី អ្នកនិពន្ធសៀវភៅកុមារនៃអង្គការស៊ីប៉ា ដូចតទៅ៖
កញ្ញា អ៊ូច សូដានី អ្នកនិពន្ធរឿងសម្រាប់កុមារ បានប្រាប់សារព័ត៌មានថ្មីៗថា ការសិក្សាពីទម្រង់សៀវភៅ ទំហំសៀវភៅ ទម្ងន់សៀវភៅ ប្រភេទក្រដាស ប្រវែងអក្សរ និងពណ៌រូបភាព សុទ្ធតែជាធាតុចាំបាច់ ក្នុងការផលិតសៀវភៅសម្រាប់កុមារ។ «សៀវភៅខ្លះ ត្រូវកាត់គែមចេញ សម្រាប់តម្រូវកុមាររៀនថ្នាក់មត្តេយ្យ។ ពួកគាត់ពុំទាន់មានការប្រុងប្រយ័ត្នទេ។ សៀវភៅខ្វះត្រូវអ៊ុតប្លាស្ទិក បើទោះបីជាកុមារខាំ បៀម ឬហែក ក៏មិនខូចដែរ។ ក្រដាសសៀវភៅខ្លះ អាចចាំងប្លាតពន្លឺ ធ្វើឱ្យខូចភ្នែកកុមារ។ សៀវភៅខ្លះផលិតឡើង សម្រាប់ឱ្យឪពុកម្ដាយអានឱ្យកុមារស្ដាប់។ ចំណែកឯទម្ងន់របស់សៀវភៅ ក៏ត្រូវធ្វើយ៉ាងណា ដើម្បីកុំឱ្យធ្ងន់ពេលដែរ ព្រោះវានឹងធ្វើឱ្យកុមារ មិនចង់កាន់សៀវភៅ»។ នេះជាការបញ្ជាក់បន្ថែមរបស់ កញ្ញា អ៊ូចសូដានី។
បើតាមអ្នកនិពន្ធរូបនេះ អង្គការស៊ីប៉ា ក៏ធ្លាប់បានផលិតសៀវភៅពីក្រណាត់សម្រាប់កុមារសូន្យឆ្នាំដែរ ដែលជាពេលដែលកុមារទើបតែចេះអង្គុយ ឬទើបចេះចាប់កាន់។ ចំពោះសៀវភៅសម្រាប់កុមារអាយុសូន្យឆ្នាំនេះ ពួកគេអាចយកវាទៅងូតទឹកជាមួយ ដេកឱប និងអាចខាំឬបៀមបាន ដោយមិនប៉ះពាល់សុខភាព។ អង្គការស៊ីប៉ា មានគម្រោងផលិតសៀវភៅនេះឡើងវិញ ប៉ុន្តែត្រូវរង់ចាំច្រើនឆ្នាំទៅមុខទៀត ដោយត្រូវសិក្សាច្រើនដំណាក់កាល៕
Tag:
អំណាន
អប់រំ
គម្រោង
សៀវភៅ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 19 ម៉ោង
