យោងតាមសេចក្ដីជូនដំណឹងរបស់រដ្ឋាបាលខេត្តកំពង់ធំ​ នៅល្ងាចថ្ងៃទី៣ខែសីហា បច្ចុប្បន្ន កម្រិតទឹកស្ទឹងសែននៅស្ថានីយកំពង់ធំ និងតាមបណ្តោយដងស្ទឹងសែនបានហក់ជិតដល់កម្រិតប្រកាសអាសន្ន។  
 

ដើម្បីបង្កាគ្រោះថ្នាក់ផ្សេងៗ រដ្ឋបាលខេត្ត បានអំពាវនាវដល់ពលរដ្ឋ ដែលរស់នៅតាមបណ្តោយដងស្ទឹងសែន ជាពិសេសអ្នករស់នៅតំបន់ងាយរងគ្រោះ ឱ្យបង្កើនការប្រុងប្រយ័ត្នខ្ពស់។ ទន្ទឹមនោះ ត្រូវរៀបចំសម្ភារៈឯកសារសំខាន់ៗ និងស្វែងរកទីទួលសុវត្ថិភាពដែលនៅក្បែរបំផុត និងរាយការណ៍ជាបន្ទាន់ទៅអាជ្ញាធរមូលដ្ឋាន ក្នុងករណីមានការលិចលង់ណាមួយកើតឡើង។
 

រដ្ឋាបាលខេត្ត បញ្ជាឱ្យអាជ្ញាធរមូលដ្ឋានគ្រប់លំដាប់ថ្នាក់យកចិត្តទុកដាក់ ត្រៀមរៀបចំ ផែនការអន្តរាគមន៍ និងត្រូវរៀបចំទីទួលសុវត្ថិភាពឲ្យបានសមរម្យក្នុងការជម្លៀសពលរដ្ឋរងគ្រោះ។ ជាមួយគ្នានេះ បង្កើនការផ្សព្វផ្សាយ និងណែនាំឲ្យពលរដ្ឋយកចិត្តទុកដាក់លើអនាម័យ ដើម្បីជៀសវាងជំងឺឆ្លងផ្សេងៗ៕