ជាតិ
នយោបាយជាតិ
លោក ប៉ែន បូណា ត្រូវបានតែងតាំងជាប្រធានអង្គភាពអ្នកនាំពាក្យរដ្ឋាភិបាល លោក ប៉ែន បូណា ត្រូវបានតែងតាំងជាប្រធានអង្គភាពអ្នកនាំពាក្យរដ្ឋាភិបាល
× លោក ប៉ែន បូណា រដ្ឋមន្ត្រីប្រតិភូអមនាយកមន្ត្រី ត្រូវបានលោក ហ៊ុន ម៉ាណែត សម្រេចតែងតាំងជាប្រធានអង្គភាពអ្នកនាំពាក្យរាជរដ្ឋាភិបាល។ ការសម្រេចរបស់លោកនាយករដ្ឋមន្ត្រី បានធ្វើឡើងនៅថ្ងៃទី២៥សីហា។
លោក ប៉ែន បូណា ជាអតីតអ្នកសារព័ត៌មានល្បីឈ្មោះមួយរូបដែលបានឡើងតួនាទីជាបន្តបន្ទាប់ក្នុងជួររដ្ឋាភិបាល។ លោកបានកាន់តំណែងជារដ្ឋលេខាធិការក្រសួងព័ត៌មាន កាលពីចុងអាណត្តិមុន។ បន្ទាប់មកនៅថ្ងៃទី២២សីហា លោក បូណា ត្រូវបានព្រះករុណាព្រះមហាក្សត្រ ត្រាស់បង្គាប់តែងតាំង ជារដ្ឋមន្ត្រីប្រតិភូអមនាយកមន្ត្រី។
ដោយឡែក ថ្ងៃទី២៥សីហា លោកបានក្លាយជាប្រធានអង្គភាពអ្នកនាំពាក្យរដ្ឋាភិបាលជំនួសនូវតំណែងរបស់លោក ផៃ ស៊ីផាន ដូចដែលសម្តេច ហ៊ុន សែន បានប្រកាសក្នុងពិធីបំពាក់មេដាយដល់ក្រុមអ្នកកាសែតជាង១០០នាក់នាវិមានសន្តិភាព កាលពីល្ងាចថ្ងៃទី១៤ខែសីហា ឆ្នាំ២០២៣៕
© រក្សាសិទ្ធិដោយ thmeythmey.com