ក្រុមហ៊ុនចំនួន ១០៣ បានការអនុញ្ញាតពីក្រសួងការងារជ្រើសរើសពលរដ្ឋខ្មែរទៅធ្វើការនៅជប៉ុន

ជាតិ

ក្រុមហ៊ុនចំនួន ១០៣ បានការអនុញ្ញាតពីក្រសួងការងារជ្រើសរើសពលរដ្ឋខ្មែរទៅធ្វើការនៅជប៉ុន

27, Aug 2023 , 11:00 am

រូបភាព

រូបពីហ្វេសប៊ុកផេក ក្រសួងការងារ និងបណ្ដុះបណ្ដាលវិជ្ជាជីវៈ

ដោយ: ប៉ូ សាគុន

ភ្នំពេញ៖ មានក្រុមហ៊ុនចំនួន១០៣ ដែលទទួលបានអនុញ្ញាតពីក្រសួងការងារ និងបណ្តុះបណ្តាលវិជ្ជាជីវៈ ក្នុងការប្រកាស និងជ្រើសរើសពលរដ្ឋខ្មែរទៅធ្វើការនៅប្រទេសជប៉ុន។ នេះយោងតាមសេចក្តីជូនដំណឹងរបស់ក្រសួងការងារ ដោយបានបញ្ជាក់ថា ក្រុមហ៊ុនទាំងនេះ គឺជាទីភ្នាក់ងារជ្រើសរើសឯកជនស្របច្បាប់។

ក្រសួងការងារ បានអនុញ្ញាតឱ្យ ទីភ្នាក់ងារជ្រើសរើសឯកជនទាំងនោះឱ្យជ្រើសរើសបណ្ដុះបណ្ដាល បញ្ជូន និងគ្រប់គ្រងកម្មសិក្សាការី-ពលករជំនាញ ទៅធ្វើកម្មសិក្សា និងធ្វើការនៅប្រទេសជប៉ុន ទៅតាមវិស័យនានា។ ដូចជា៖ នៅក្នុងវិស័យកសិកម្ម និងឧស្សាហកម្ម ជាដើម។

ក្រសួងបានសង្កត់ថា រាល់ទីភ្នាក់ងារជ្រើសរើសឯកជនទាំងឡាយណា ដែលពុំមានឈ្មោះក្នុងបញ្ជីទាំង ១០៣ក្រុមហ៊ុននេះ គឺជាទីភ្នាក់ងារជ្រើសរើសឯកជនខុសច្បាប់។ ដូច្នេះ សូមសាធារណជន ត្រូវពិនិត្យមើលបញ្ជីឈ្មោះក្រុមហ៊ុនទាំងនោះឱ្យបានច្បាស់លាស់។ ក្នុងករណីមានបញ្ហាមួយណា សូមរាយការណ៍ទៅកាន់លេខ ០៨៩ ៩៥៧ ៧៨៩ ឬទាក់ទងទៅមន្ទីរការងារ និងបណ្តុះបណ្តាលគ្រប់រាជធានី-ខេត្តទាំង២៥៕

សូមមើលឈ្មោះក្រុមហ៊ុនស្របច្បាប់ ទាំង ១០៣ ក្រុមហ៊ុន ក្នុងបញ្ជីខាងក្រោម៖