តាមការបង្ហោះរបស់គណនី Facebook ក្រសួងការបរទេសកម្ពុជា នៅថ្ងៃទី១ ខែកញ្ញា នាយករដ្ឋមន្រ្តីអូស្រ្តាលី លោក អាន់ថូនី អាល់បានីស បានផ្ញើសារអបអរលោកហ៊ុន ម៉ាណែត ដែលត្រូវបានតែងតាំងជាប្រមុខរដ្ឋាភិបាលកម្ពុជា។ 

 

ក្នុងលិខិតនោះ ប្រមុខរដ្ឋាភិបាលអូស្រ្តាលី បានអញ្ជើញសមភាគីកម្ពុជា លោកហ៊ុន ម៉ាណែត ឱ្យទៅចូលរួមក្នុងកិច្ចប្រជុំកំពូលអូស្រ្តាលី-អាស៊ាន ដែលគ្រោងធ្វើឡើងនៅថ្ងៃទី៤ ដល់ថ្ងៃទី៦ ខែមីនា ឆ្នាំ២០២៤ ខាងមុខ។ កិច្ចប្រជុំកំពូលអូស្រ្តាលី-អាស៊ាននេះ ធ្វើឡើងដើម្បីប្រារព្ធខួប ៥០ឆ្នាំនៃដៃគូសន្ទនារបស់អូស្រ្តាលី ជាមួយអាស៊ាន៕