លោកស្រី Montse Tome នឹងត្រូវជំនួសតំណែងលោក Vilda នឹងក្លាយជាគ្រូបង្វឹកស្ត្រីលើកដំបូងសម្រាប់ក្រុមនារីអេស្ប៉ាញ។ អ្នកស្រី Montse Tome បានធ្វើជាជំនួយការរបស់លោក Vilda តាំងពីឆ្នាំ ២០១៨ ហើយចាប់តាំងពីពេលនោះមក អ្នកស្រីបានបង្វឹកកីឡាករសំខាន់ៗជាច្រើននៅក្នុងក្រុមជម្រើសជាតិនារី។
 

ក្រុមប្រឹក្សាថ្មីមួយត្រូវបានបង្កើតឡើង ក្រោយពីការព្យួរប្រធាន RFEF លោក Luis Rubiales ពីសំណាល់ FIFA ជុំរិញការថើបទៅលើកីឡាការិនី Hermoso ដោយមិនមែនជាការយល់ព្រមអំឡុងពេលការប្រារព្ធពិធីជ័យជម្នះ World Cup 2023 កាលពីថ្ងៃទី២០ ខែសីហា។
 

«លោក Vilda បានក្លាយជាគន្លឹះក្នុងការរីកចម្រើនដ៏គួរឱ្យកត់សម្គាល់នៃកីឡាបាល់ទាត់នារី ហើយចាកចេញពីប្រទេសអេស្ប៉ាញក្នុងនាមជាម្ចាស់ជើងឯក ក៏ដូចជាក្រុមមានចំណាត់ថ្នាក់លេខ ២ នៃ FIFA។»។ ​​នេះបើតាមសេចក្តីថ្លែងការណ៍របស់ RFEF។
 

បញ្ហាកំហឹងពាក់ព័ន្ធនឹងលោក Rubiales បានឈានដល់ការជជែកដេញដោលយ៉ាងឆាប់រហ័សជុំវិញសិទ្ធិស្ត្រី និងអាកប្បកិរិយាបៀតបៀនផ្លូវភេទ។ 
 

ស្ថិតក្នុងសេចក្តីថ្លែងការណ៍ដដែល RFEF បានសុំទោសចំពោះទង្វើមិនសមរម្យរបស់លោក Rubiales ដែលធ្វើឱ្យប៉ះពាល់ដលើវិស័យបាល់ទាត់ធ្ងន់ធ្ងរ ក៏ដូចជាកីឡាក្នុងប្រទេស សង្គមនិងតម្លៃបាល់ទាត់របស់អេស្ប៉ាញដោយផ្ទាល់ និងប្រយោល។
 

បន្ទាប់ពីមានបញ្ហានៃរឿងរ៉ាវអាស្រូវការថើបនេះ ក្រុមបាល់ទាត់នារីអេស្ប៉ាញជើងឯក World Cup 2023 ថាពួកគេនឹងមិនបន្តលេងឱ្យក្រុមជម្រើសជាតិអេស្ប៉ាញឡើយ ប្រសិនបើសហព័ន្ធស្ថិតនៅក្រោមការដឹកនាំរបស់ថ្នាក់ដឹកនាំដដែល៕