Van Dijk ជាកីឡាករមួយរូបប្រចាំក្រុមដែលអ្នកគាំទ្រចាប់អារម្មណ៍ខ្លាំងបំផុត តែយ៉ាងណាកីឡាករវ័យ ៣២ឆ្នាំ ត្រូវបានរងការរិះគន់ចំពោះទម្រង់លេងរបស់គេកាលរដូវកាលមុន។ 
 

«យើងកំពុងតែស្ថិតក្នុងដំណាក់កាលអភិវឌ្ឍន៍ថ្មីមួយយ៉ាងល្អជាមួយ Liverpool។ ពិតណាស់ វាគឺជាអារម្មណ៍មួយដ៏ល្អដែលអ្នកចាត់ការនៅតែចាត់ទុកខ្ញុំជាផ្នែកមួយនៃក្រុមថ្មីរបស់ Liverpool ដំណាក់កាល 0.2 ហើយយើងបាននិយាយអំពីការត្រៀមខ្លួនតាំងពីសប្តាហ៍ដំបូងមកម្ល៉េះ ដែលនេះបានផ្តល់ទំនុកចិត្តខ្លាំងដល់ខ្ញុំ។»។ Van Dijk បាននិយាយក្នុងសន្និសីទកាសែតក្រោយការប្រកួតរបស់ហូឡង់យកឈ្នះលើក្រុមគ្រិក ៣-០ បែបនេះ។
 

​ នៅក្របខណ្ឌ Premier League រដូវកាលមុន Liverpool បញ្ចប់នៅចំណាត់ថ្នាក់លេខ​ ៥ ខកខានប្រជែងនៅក្នុងក្របខណ្ឌ Champions League លើកដំបូងចាប់តាំងពីឆ្នាំ​ ២០១៥-១៦។

លើសពីនេះខ្សែការពារដដែលរូបនេះក៏បានប្តេជ្ញា ថានឹងផ្តល់គ្រប់យ៉ាងដែលរូបគេអាចធ្វើទៅបានសម្រាប់ក្លិប និងក្រុមជម្រើសជាតិក្នុងនាមជាប្រធានក្រុម ទាំងនៅក្នុងនិងក្រៅទីលាន។
 

បច្ចុប្បន្នខ្សែការពារ​ Van Dijk ត្រូវបានក្លាយជាប្រធានក្រុមរបស់ Liverpool បន្ទាប់ពីការចាកចេញរបស់ប្រធានក្រុម Jordan Henderson ទៅកាន់អារ៉ាប៊ីសាអូឌីតកាលពីខែកក្កដា។ ខ្សែការពារវ័យ ៣២ឆ្នាំ ជាប្រធានក្រុមទាំងនៅក្លិប និងនៅជម្រើសជាតិ៕