ប្រាប់អ្នកសារព័ត៌មាន ក្នុងសន្និសីទលោក Felix G. Dalmas ចាត់ទុក ម៉ាកាវ គឺជាក្រុមខ្លាំង ដោយសារបទពិសោធន៍ ធ្លាប់ប្រកួតជាមួយ ក្រុមខ្លាំងៗ។ សម្រាប់ជំនួបនេះ គ្រូបង្វឹកកម្ពុជា បញ្ជាក់ថា បានត្រៀមខ្លួនរួចជាស្រេច បន្ទាប់ការស្វាគមន៍ ក្រុមជម្រើសជាតិហុងកុង ក្នុងលទ្ធផល ១-១។
 

គ្រូបង្វឹកកម្ពុជារូបនេះ បាននិយាយដូច្នេះថា៖«យើង បានត្រៀមខ្លួនយ៉ាងល្អ បន្ទាប់ពីប្រកួតជាមួយ ហុងកុង។ ខ្ញុំ ជាជឿថាម៉ាកាវ គឺជាក្រុមខ្លាំងមួយ។ គេ ធ្លាប់ប្រកួតមួយហុងកុង និងប៊ូតង់ ដែលជាក្រុមខ្លាំង។»។
 

លោក Lázaro Oliveira គ្រូបង្វឹកក្រុមជម្រើសជាតិម៉ាកាវ សញ្ជាតិព័រទុយហ្កាល់ បញ្ជាក់ថា ពិតជាសប្បាយចិត្ត ដោយបានដឹកនាំក្រុមប្រកួតជាមួយកម្ពុជា។ ជំនួបជាមួយកម្ពុជានេះ នឹងក្លាយជាការប្រកួតទី៤ សម្រាប់ក្រុមនេះ បន្ទាប់ពីការធូស្រាលនូវវិបត្តិកូវីដ-១៩។
 

គួរបញ្ជាក់ផងដែរថា កម្ពុជា ធ្លាប់ជួប ម៉ាកាវ ៦ លើករួចមកហើយ បើគិតចាប់ពីឆ្នាំ២០០៨។ ក្នុង ៦ប្រកួតនោះ កម្ពុជា ឈ្នះ៤ ចាញ់១ និង ស្មើ១។ កម្ពុជា នឹងត្រូវស្វាគមន៍ ម៉ាកាវ ក្នុងការប្រកួតមិត្តភាពអន្ដរជាតិ នាយប់ ម៉ោង ៧ ថ្ងៃទី១១ ខែកញ្ញា ឆ្នាំ២០២៣ នៅពហុកីឡដ្ឋានជាតិអូឡាំពិក៕