ការសិក្សាជួយឱ្យយុវតី ណាន់ ម៉ារ៉ា ជនជាតិដើមភាគតិច ក្លាហាននិងបានជួយសហគមន៍ខ្លួន

ជាតិ

ការសិក្សាជួយឱ្យយុវតី ណាន់ ម៉ារ៉ា ជនជាតិដើមភាគតិច ក្លាហាននិងបានជួយសហគមន៍ខ្លួន

21, Sep 2023 , 8:39 am

រូបភាព

ដោយ: ប៉ូ សាគុន

ភ្នំពេញ៖ កញ្ញា ណាន់ ម៉ារ៉ា គឺជាជនជាតិដើមភាគតិចគ្រឹង បានពុះពាររៀនសូត្ររហូតដល់ថ្នាក់បរិញ្ញា។ ជាទូទៅជនជាតិដើមភាគតិច ពុំសូវលើកទឹកចិត្ត និងជំរុញឱ្យក្មេងស្រីរៀនបានខ្ពង់ខ្ពស់ឡើយ។ មិនតែប៉ុណ្ណោះ មនុស្សចាស់មួយចំនួន ថែមទាំងបន្ទច់បង្អាក់ ក្មេងស្រីមិនឱ្យរៀនខ្ពស់ថែមទៀតផង។ ចំពោះ ម៉ារ៉ា នាងជំនះផ្នត់គំនិតទាំងនោះ។

ដើម្បីជ្រាបច្បាស់សូមលោកអ្នកទស្សនាវីដេអូខាងក្រោម៖

ធ្លាប់ជាក្មេងស្រីដែលមិនមានភាពក្លាហាន មិនហានធ្វើដំណើរឆ្ងាយតែម្នាក់ឯង និងជាមនុស្សគ្មានជំនឿលើខ្លួនឯង ពេលនេះ ម៉ារ៉ា បានផ្លាស់ប្ដូរហើយ។ ផ្លាស់ប្ដូរក្រោយពីនាង បានសិក្សារៀនសូត្រខ្ពស់ និងបានចូលរួមសកម្មភាព ជាមួយអង្គការផ្សេងៗ រួមទាំងចូលរួមសកម្មភាពក្នុងសហគមន៍ជាដើម។

កញ្ញា ណាន់ ម៉ារ៉ា ជានិស្សិតផ្នែកច្បាប់ ដែលត្រៀមបញ្ចប់ថ្នាក់បរិញ្ញា ក្នុងពេលដ៏ខ្លីខាងមុខនេះបន្ថែម៖«ខ្ញុំធ្លាប់ចង់បោះបង់ចោលការសិក្សាម្ដង។ មិត្តខ្ញុំម្នាក់គេថាគេមករៀនជាមួយខ្ញុំ ពេលខ្ញុំមករៀន គេបែរជាមិនរៀនទៅវិញ។ ពេលនោះខ្ញុំចង់ឈប់ដែរ។ ពីដើមបើមិនមានអ្នកណាទៅជាមួយខ្ញុំ ខ្ញុំក៏មិនហានទៅដែរ។ ប៉ុន្តែនៅពេលខ្ញុំចូលរួមជាមួយ អង្គការជនជាតិដើមភាគតិចច្រើន ខ្ញុំចាប់អារម្មណ៍ថាខ្ញុំក្លាហានជាងមុនច្រើន»។

តាមរយៈការសិក្សារៀនសូត្រ មិនត្រឹមតែធ្វើឱ្យ ម៉ារ៉ា មានភាពក្លាហានក្នុងខ្លួនប៉ុណ្ណោះទេ ប៉ុន្តែនាងថែមទាំង ជួយដល់សហគមន៍របស់នាងថែមទាំងផង ទាំងផ្នែកស្មារតី និងការស្វែងយល់ពីច្បាប់នានា ពាក់ព័ន្ធនឹងច្បាប់ និងសិទ្ធិរបស់ជនជាតិដើមភាគតិច៕