បើតាមលិខិតរបស់រដ្ឋបាលស្រុកភ្នំស្រួច ដែលចេញផ្សាយនៅថ្ងៃទី៩ ខែតុលានេះ ចំណី​ផ្លូវជាតិលេខ៤ ម្ដុំផ្សារត្រពាំងក្រឡឹង ផ្សារតាឡាន និងផ្សារត្រែងត្រយឹង ត្រូវបានពលរដ្ឋយកទៅសងសំយ៉ាប តាំងលក់ទំនិញ រទេះលក់អាហារ ស្លាកយីហោ និងចំណតយានយន្តគ្រប់ប្រភេទ។ ទង្វើនេះ ត្រូវបានអាជ្ញាធរអះអាងថា បានធ្វើឱ្យបាត់បង់សណ្ដាប់ធ្លាប់ និងបង្កការកក់ស្ទះចរាចរណ៍។ 
 

ជាគោលការណ៍ ផ្លូវជាតិលេខ៤ ត្រូវដកគម្លាតពីចំណីផ្លូវប្រវែង១.៥ ម៉ែត្រទាំងសងខាង និងនៅតាមផ្លូវបេតុងសំខាន់ៗ ក្នុងទីប្រជុំជនមួយចំនួនទៀតត្រូវថយពីចិញ្ចើមផ្លូវប្រវែង៣ម៉ែត្រ ទាំងសងខាងផងដែរ៕