«សាររបស់យើង គឺលោក Blinken គិតថាវាជាផលប្រយោជន៍រួមរបស់ពួកយើងក្នុងការររាំងជម្លោះមិនឱ្យរីករាលដាល។ លោក Blinken ក៏បានគិតដែលថាវានឹងផ្ដល់ប្រយោជន៏ជាច្រើនប្រសិនបើចិន​អាច​ប្រើ​ឥទ្ធិពល​របស់​ខ្លួន»។ លោក Miller បានបន្ថែមបែបនេះ។ 

 

បើយោងតាមក្រសួងការបរទេសចិន លោក Wang បានឆ្លើយតបថាអាម៉េរិក គួរតែដើរតួនាទីស្ថាបនា និងទទួលខុសត្រូវក្នុងការជំរុញបញ្ហានេះឱ្យត្រឡប់ទៅរកដំណោះស្រាយនយោបាយឱ្យបានឆាប់តាមដែលអាចធ្វើទៅបាន។ 

 

លោក Wang និយាយបែបនេះថា៖«នៅពេលដោះស្រាយបញ្ហាអន្តរជាតិ ប្រទសមហាអំណាចត្រូវតែប្រកាន់ខ្ជាប់នូវវត្ថុបំណង យុត្តិធម៌ ភាពស្ងប់ស្ងាត់ និងការអត់ធ្មត់ ហើយត្រូវតែឈានមុខគេក្នុងការគោរពច្បាប់អន្តរជាតិ»។

 

លើសពីនេះ រដ្ឋមន្ត្រីការបរទេសចិនរូបនេះក៏បានបន្ថែមទៀតថា ទីក្រុងប៉េកាំងបានអំពាវនាវឱ្យមានការកោះប្រជុំសន្តិភាពអន្តរជាតិឱ្យបានឆាប់តាមដែលអាចធ្វើទៅបាន ដើម្បីឈានទៅដល់ការឯកភាពទូលំទូលាយមួយ ហើយកិច្ចការមូលដ្ឋានសម្រាប់បញ្ហាប៉ាឡេស្ទីនគឺនៅក្នុងការអនុវត្តដំណោះស្រាយរដ្ឋពីរ។

 

យ៉ាងណាក្ដី មន្ត្រីលោកខាងលិចមួយចំនួនបានរិះគន់លើសេចក្តីថ្លែងការណ៍ផ្លូវការខាងលើរបស់ចិនថា មិនបានបញ្ចេញឈ្មោះជាក់លាក់ចំពោះក្រុម ហាម៉ាសក្នុងការថ្កោលទោសចំពោះអំពើហឹង្សារបស់ពួកគេ៕