លិខិតជូនដំណឹងរបស់អាជ្ញាធរជាតិអប្សរា បានបញ្ជាក់ថា បន្ទាប់ពីព្រះរាជពិធីចប់ ស្ពានហាលនេះ នឹងត្រូវប្រើប្រាស់ ជាច្រកចូលទៅទស្សនាប្រាសាទអង្គរវត្ត។ ចំណែក ស្ពានបណ្ដែតទឹក ជាច្រកចេញសម្រាប់ទេសចរ។ 

 

ស្ពានហាលខាងលិចប្រាសាទអង្គរវត្ត ត្រូវបានជួសជុលក្នុងឡើងឆ្នាំ២០១៦ ក្រោមកិច្ចសហការរវាងអាជ្ញាធរជាតិអប្សរា និងសាកលវិទ្យាល័យសូហ្វីយ៉ា ប្រទេសជប៉ុន។ ស្ពានហាលនេះ មានប្រវែង១៩០ម៉ែត្រ, ទទឹងជាង១១ម៉ែត្រ និងកម្ពស់ជាង៤ម៉ែត្រ ដោយសាងសង់ឡើង ពីថ្មបាយក្រៀម ក្រាលដោយកម្រាលថ្មភក់ និងលម្អដោយបង្កាន់ដៃនាគទាំងសងខាង៕