បើតាមទីភ្នាក់ងារព័ត៌មាន Yonhap មន្ត្រីកូរ៉េខាងត្បូងបានទទួលរបាយការណ៍ពីអ្នកនេសាទរបស់ខ្លួនពីវត្តមានទូកមួយគ្រឿងនៅដែនសមុទ្រនៃទីក្រុង Sokcho ។ ទូកនោះក៏ត្រូវបានឃាត់ដោយយោធាកូរ៉េខាងត្បូងសម្រាប់ការស៊ើបអង្កេត។

 

«ទូកឈើតូចមួយនេះបានឈប់នៅទីក្រុង Sokcho ភាគខាងកើតប្រទេស ក្រោយពេលដែលបានប្រទះឃើញនៅជិតខ្សែបន្ទាត់ព្រំដែនភាគខាងជើង ដែលជាព្រំដែនសមុទ្ររវាងកូរ៉េទាំងពីរនៅព្រឹកថ្ងៃទី២៤ ខែតុលា»។ អគ្គសេនាធិការយោធាកូរ៉េខាងត្បូងបញ្ជាក់បែបនេះ។ 

 

អាជ្ញាធរយោធា និងចារកម្មរបស់កូរ៉េខាងត្បូង ក៏បានចាប់ផ្ដើមការស៊ើបអង្កេតហេតុផលដែលជនទាំង៤រូបនោះឆ្លងដែនខុសច្បាប់។ អាជ្ញាធរកូរ៉េខាងត្បូង មិនបានបញ្ជាក់អត្តសញ្ញាណមនុស្សទាំង៤ ឡើយ បានដោយត្រឹមមានបុរសម្នាក់ និងស្រ្តី៣នាក់។

 

នេះជាលើកដំបូងគិតតាំងខែវិច្ឆិកា ឆ្នាំ២០១៩ ដែលប្រជាជនកូរ៉េខាងជើង ប៉ុនប៉ងភៀសខ្លួនចូលកូរ៉េខាងត្បូងតាមកប៉ាល់ដោយប្រើដែនទឹកនៅសមុទ្រខាងកើត។ កាលនោះ កូរ៉េខាងត្បូងបានបញ្ជូនប្រជាជនកូរ៉េខាងត្បូង២នាក់ត្រឡប់ទៅវិញ៕