ជំងឺពងបែកដៃ ជើង និងក្នុងមាត់ (HFMD) គឺជាជំងឺឆ្លងមួយ ដែលកើតមានញឹកញាប់ចំពោះទារក និងកុមារ។ វាបង្កឡើងដោយ​វីរុសមួយចំនួនដូចជា Coxsackieviruses, និង Enterovirus 71 (EV71)។ ប៉ុន្តែចំពោះមេរោគ Enterovirus 71 (EV71) អាចបង្កជាផលវិបាកធ្ងន់ធ្ងរបាន។

 

ជំងឺនេះអាចឆ្លងពីមនុស្សម្នាក់ទៅមនុស្សម្នាក់ទៀតបាន ដោយការប៉ះពាល់ផ្ទាល់ជាមួយនឹងវត្ថុរាវនៃផ្លូវដង្ហើម (ទឹកមាត់ កំហាក និងសំបោរ) ទឹករងៃដែលចេញពីពងបែក លាមកនៃអ្នកជំងឺ។ អ្នកជំងឺអាចចម្លងខ្លាំងបំផុតក្នុងសប្ដាហ៍ទីមួយ។
 

ដូចនេះដើម្បីការពារពីការឆ្លងយើងត្រូវលាងសម្អាតដៃឲ្យបានញឹកញាប់ជាមួយទឹកនឹងសាប៊ូ ឬទឹកអាល់កុល ជាពិសេសក្រោយប៉ះអ្នកជំងឺ វត្ថុរាវចេញពីអ្នកជំងឺ វត្ថុជុំវិញអ្នកជំងឺ និងមុនពេលប៉ះអ្នកជំងឺ។