វ័យ៦៩ឆ្នាំអ្នកស្រី អេម វេន ប្រើជម្រើស«ស្ទូចត្រី » សម្រាប់ដោះស្រាយជីវភាពផង និងកម្សាន្តផង

ជាតិ

ពីនេះ ពីនោះ

វ័យ៦៩ឆ្នាំអ្នកស្រី អេម វេន ប្រើជម្រើស«ស្ទូចត្រី » សម្រាប់ដោះស្រាយជីវភាពផង និងកម្សាន្តផង

05, Nov 2023 , 7:59 am

រូបភាព

ដោយ: ស៊ុល រ៉វី

សៀមរាប៖ ជារៀងរាល់ថ្ងៃអ្នកស្រី អេម វេន តែងមកអង្គុយស្ទូចត្រី នៅច្រាំងស្ទឹងផ្លាំង ដែលជាប់នឹងផ្ទះខ្លួន ក្នុងភូមិស្លែង ស្រុកក្រឡាញ់ខេត្តសៀមរាប។ មានវ័យ៦៩ឆ្នាំ ស្ត្រីរូបនេះថា ការស្ទូចត្រីទីនេះ បានជួយឱ្យអ្នកស្រី ដោះស្រាយបញ្ហាម្ហូបអាហារផងដែរ ដោយអាចយកទៅស្លរ ឬជួនកាលខ្លះ ក៏បានប្រឡាក់ទុកហូបជាមួយបបរព្រឹកដែរ។ មិនត្រឹមបានរួចថ្លៃទិញម្ហូបនៅផ្សារប៉ុណ្ណោះទេ តែស្ត្រីចំណាស់រូបនេះ ក៏បានកម្សាន្តអារម្មណ៍ជាមួយការស្ទូចត្រីនេះ ខណៈខ្លួនមានអាយុច្រើន នឹងមិនអាចទៅប្រកបការងារប្រើកម្លាំងធ្ងន់ៗបាន។