ដោយចង់ឱ្យបទពិសោធន៍របស់ខ្លួន ក្លាយជាឧទាហរណ៍សម្រាប់កុមារដទៃទៀត លោកស្រី ប៊ុន ចាន់និមល បានសរសេរសៀវភៅ «ខ្ញុំក្រ ខ្ញុំត្រូវតែរៀន» ដែលលាតត្រដាងពីខ្សែជីវិតជូរចត់របស់ខ្លួនកាលពីកុមារភាពដើម្បីតែការរៀនសូត្រ។ នៅក្នុងបទសម្ភាសជាមួយលោកស្រី ប៊ុន ចាន់និមល ឱ្យដឹងថា ខ្លួនសរសេរសៀវភៅនេះព្រោះចង់រួមចំណែកផ្លាស់ប្តូរជីវិតអ្នកដទៃតាមរយៈសៀវភៅ និងចង់ឱ្យកុមារជឿថា ការរៀនគឺពិតជាផ្លាស់ប្តូរខ្សែជីវិតរបស់ពួកគេបាន។ អ្នកនិពន្ធរូបនេះ សង្ឃឹមថាសៀវភៅ«ខ្ញុំក្រ ខ្ញុំត្រូវតែរៀន»នេះ ជួយជំរុញនិងលើកទឹកចិត្តកុមារកម្ពុជា ឱ្យកំណត់យកការខិតខំប្រឹងប្រែងរៀនជារឿងអាទិភាពដើម្បីអនាគតដ៏ភ្លឺស្វាងរបស់ពួកគេ។