ជាតិ
ពន្យល់ពាក្យ
×![]()
ដោយ: សារព័ត៌មានថ្មីៗ
«ថត» អាចមានន័យថា ដោះចេញ, ផ្តិត, ចម្លង, រក្សាទុក, ប្រអប់ភ្ជាប់ក្នុងតុ ឬ ទូ, កន្លែងផ្ទុកឯកសារក្នុងកុំព្យូទ័រ។ សារព័ត៌មានឌីជីថលថ្មីៗ សូមលើកយកពាក្យ «ថត» មកពន្យល់ ដោយយោងតាមវចនានុក្រមខ្មែរ២០២២របស់ក្រុមប្រឹក្សាជាតិភាសាខ្មែរ នៃរាជបណ្ឌិត្យសភាកម្ពុជា។
«ថត» [កិរិយាសព្ទ] ដោះចេញ, យកចេញ, ដកចេញ : ថតកឋិន គឺវេរសំពត់កឋិនចំពោះជំនុំសង្ឃ។
«ថត» [កិរិយាសព្ទ] ផ្ដិត ចម្លង រក្សាទុក។ ពាក្យនេះប្រើជាមួយការរក្សាទុកផ្សេងៗដូចជា រូប សំឡេង ទិន្នន័យ ជាដើម : ថតសំឡេង, ថតថាសម៉ាស៊ីនច្រៀង។
«ថត» [នាមសព្ទ] ប្រអប់ភ្ជាប់ក្នុងតុ ឬទូ សម្រាប់ផ្ទុករបស់របរផ្សេងៗ។ ថត [ពាក្យបច្ចេកទេសព័ត៌មានវិទ្យា] កន្លែងផ្ទុកឯកសារក្នុងកុំព្យូទ័រ។
«ថតចម្លង» មានន័យថា ផ្ដិតចម្លងបោះពុម្ពជាឯកសារដោយម៉ាស៊ីនថតចម្លង : ថតចម្លងមេរៀនមួយច្បាប់, ម៉ាស៊ីនថតចម្លង។
«ថតរូប» មានន័យថា ភ្ជាប់ស្រមោលរូបឱ្យដិតនឹងកែវដោយគ្រឿងប្រដាប់ម៉្យាងផ្សេងដែលហៅថា គ្រឿងថត។
«ថតសំឡេង» មានន័យថា បញ្ចូលសំឡេងទៅក្នុងអង្គចងចាំនៃគ្រឿងអេឡិចត្រូនិកដើម្បីរក្សាទុកនិងប្រើប្រាស់ : វិទ្យុជាតិបានថតសំឡេងសម្ដេចព្រះសង្ឃរាជ ជួន ណាត ក្នុងនាទីសម្ភាសអក្សរសាស្ត្រ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
