រ៉ាវីន ខិតខំយកចិត្តទុកដាក់លើការរៀនសូត្រណាស់ ដោយរូបគេ ប្រឹងប្រែងមើលមេរៀន រហូតដល់ម៉ោង១១យប់ ឬលើសពីនេះ ជារៀងរាល់ថ្ងៃ។ ចំណែកមុនពេលទៅសាលារៀនវិញ រ៉ាវីន ក៏មានទម្លាប់ក្រោកម៉ោង៥ភ្លឺ ដើម្បីទន្ទេញមេរៀនផងដែរ។ ជាពិសេសប្រឹងប្រែងអនុវត្តធ្វើលំហាត់ និងសំណេរជាប្រចាំ ។ ក្រៅពីនេះ គំរូរបស់សិស្សច្បងជំនាន់មុន ដែលសម្រេចបាននិទ្ទេសA នោះ ក៏បានជំរុញឱ្យ រ៉ាវីន ភ្នក់គិត ហើយសំលៀងសមត្ថភាពយកនិទ្ទេសល្អនេះ ។ 

 

ការព្យាយាមគង់បានសម្រេច! រ៉ាវីន ដែលទទួលបានលទ្ធផលគាប់ចិត្ត មានបំណងចង់សិក្សាលើជំនាញពេទ្យ នាពេលខាងមុខ។

 

អ្នក ប្រឡង ជាប់សញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ ២០២៣ នេះ មាន  ៩៨ ៤៦០នាក់ ដែលស្មើ ៧២,៨៩ភាគរយ ក្នុងចំណោម បេក្ខជន សរុប។ សិស្ស ដែល ទទួលបាននិទ្ទេស A មាន ១៦៧៣នាក់ និទ្ទេស B មាន ៦៩៦៤នាក់ និទ្ទេស C មាន ១៨ ៣០៨នាក់ និទ្ទេស D មាន៣៤ ២៤៦នាក់ និងនិទ្ទេស E មាន ៣៧ ២៦៩នាក់។ នេះបើតាមរយៈទំព័រ ហ្វេសប៊ុក ផ្លូវការ របស់ខ្លួន ក្រសួងអប់រំ យុវជន និងកីឡា។