«មានអារម្មណ៍ថា រំភើបណាស់ ហើយនឹកស្ដាយណាស់ មិនគួរណាខ្លួនឯងចាស់ ហើយបើនៅក្មេងដូចគេ នឹងចូលរួមអុំទូកទៀតហើយ»។ នេះជាការលើកឡើងរបស់អតីតកីឡាករអុំទូក ដែលឡើងមកពីខេត្តព្រៃវែង ដើម្បីគាំទ្រដល់ទូកង«ថូណាជេដ្ឋាមហាសែនជ័យ» តំណាងឱ្យភូមិស្រុករបស់ខ្លួន។
 

មុនឈប់ជាកីឡាករអុំទូក លោក សារ៉ុន ធ្លាប់ចូលរួមប្រកួតឱ្យខេត្តព្រៃវែង នៅទន្លេចតុមុខ ប្រមាណ១០លើកដែរ ។ នេះមិនទាន់រាប់បញ្ចូលទាំងការប្រកួតនៅក្នុង និងក្រៅខេត្តផង។ ទោះបីជាពេលនេះ លោក សារ៉ុន លែងជាកីឡាករអុំទូកក្តី តែលោក បានណែនាំឱ្យកូនចៅ ដើរតាមគន្លងខ្លួនផងដែរ។ សម្រាប់ឆ្នាំនេះ កូននិងចៅ របស់លោក សារ៉ុន ៣ទៅ៤នាក់ ជាកីឡាករអុំទូកង «ថូណាជេដ្ឋាមហាសែនជ័យ» មកពីខេត្តព្រៃវែង។