ជាតិ
បុណ្យអុំទូក
២ថ្ងៃនៃបុណ្យអុំទូក ខេត្តកំពត ទទួលបានភ្ញៀវទេសចរ ជាង៥,៥ម៉ឺននាក់ ភ្ញៀវទេសចរដែលមកដើរកម្សាន្តខេត្តកំពតក្នុងពិធីបុណ្យអុំទូក។ រូបថត៖ លោក សយ ស៊ីណុល
× ត្រឹម២ថ្ងៃប៉ុណ្ណោះ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ ខេត្តកំពតទទួលបានភ្ញៀវទេសចរជាតិ និងអន្តរជាតិ ប្រមាណ ៥,៥ម៉ឺននាក់។ បើតាមលោក សយ ស៊ីណុល ប្រធានមន្ទីរទេសចរណ៍ខេត្តកំពត ក្នុងចំណោមភ្ញៀវទេសចរទាំងនោះ គឺមានទេសចរជាតិ ៥៤ ៤៦២នាក់ និងអន្តរជាតិ មាន៩៣៦នាក់។
លោក សយ ស៊ីណុល បានបញ្ជាក់ថា ប្រាប់សារព័ត៌មានឌីជីថលថ្មីៗ(ThmeyThmey) ថា សេវាស្នាក់នៅក្នុងខេត្តកំពត ត្រូវបានភ្ញៀវកក់អស់នៅយប់ថ្ងៃទី២៦វិច្ឆិកា។ ដោយឡែក នៅថ្ងៃទី២៧វិច្ឆិកា គិតត្រឹមម៉ោង៣រសៀល ភ្ញៀវដែលកក់សេវាស្នាក់នៅ មានប្រមាណ៨០ភាគរយ។ ប្រធានមន្ទីរទេសចរណ៍រូបនេះ បានអះអាងយ៉ាងដូច្នេះ៖ « រីឯតម្លៃ គឺពុំមានការដំឡើងថ្លៃ នោះទេ» ។
ជាមួយគ្នានេះ ស្ថានភាពទូទៅបានដំណើរការយ៉ាងរលូនដោយពុំមានបញ្ហាអ្វីកើតឡើងគួរឲ្យកត់សម្គាល់នោះទេ ខណៈភ្ញៀវទេសចរ បានសម្តែងក្តីសប្បាយរីករាយប្រកបដោយសុវត្ថិភាព និង សណ្តាប់ធ្នាប់ល្អ នោក្នុងព្រះរាជពិធីបុណ្យអុំទូក៕
Tag:
ទេសចរណ៍
បុណ្យអុំទូក
កំពត
© រក្សាសិទ្ធិដោយ thmeythmey.com