សម្រាប់ឆ្នាំ ២០២៣ ក្នុងចំណោមប្រទេសដែលបានស្ទង់មតិ អាហ្វហ្កានីស្ថាន ជាប្រទេសដែលពុំសូវមានសុភមង្គលបំផុតលើពិភពលោកជាមួយនឹងពិន្ទុ ១,៨៥៩ ។ ទន្ទឹមនេះ កម្ពុជាជាប់ចំណាត់ថ្នាក់ទី ១១៥ ក្នុងចំណោម ១៤៦ប្រទេសដែលមានពិន្ទុ ៤,៣៩៣ ។ តើប្រទេសណាដែលមានសុមង្គលបំផុតលើពិភពលោក ?

 

១០. នូវែលសេឡង់ 

 

នូវែលសេឡង់ ជាប្រទេសដែលមានសុភមង្គលបំផុតលំដាប់ទី១០ នៅលើពិភពលោកក្នុងឆ្នាំ ២០២៣។ យោងតាមរបាយការណ៍សុភមង្គលពិភពលោក ប្រទេសនេះត្រូវបានផ្តល់ពិន្ទុ ៧,១២៣ ហើយ​ជា​ឆ្នាំ​ទី​២​ជាប់គ្នាដែលបានទទួលចំណាត់ថ្នាក់ទី១០។ 

 

វាជាប្រទេស​មួយ​ក្នុង​ចំណោម​ប្រទេស​២ ​ដែល​នៅ​ក្រៅ​ទ្វីប​អឺរ៉ុប​ក្នុង​បញ្ជី​នេះ។ នូវែលសេឡង់​ល្បីល្បាញ​ដោយសារ​ជា​ទីតាំង​ថត​ភាពយ​ន្ត The Lord of the Rings និង Hobbit ។ ប្រទេស​កោះមួយ​នេះ ​មាន​លក្ខណៈ​ប្លែក​ពី​គេ​ព្រោះ​វា​មិន​ជិត​ប្រទេស​ណា​មួយ​ទេ។ អ្នកជិតខាងបំផុតគឺរដ្ឋ New Caledonia ដែលមានចម្ងាយ ២២៤៨គីឡូម៉ែត្រ។ 

 

 

លុចសំបួរ ជាប់ចំណាត់ថ្នាក់លេខ៩ ដោយទទួលបានពិន្ទុ៧,២២៨ ។ លុចសំបួរ មានព្រំដែនជាប់អាល្លឺម៉ង់ បែលហ្សិក និងបារាំង ដែលស្ថិតនៅចំកណ្តាលប្រទេសទាំងបី។ បើតាមអង្គការសហប្រជាជាតិ ប្រទេសដ៏តូចនេះមានប្រជាជនប្រមាណ ៦៥៥ពាន់នាក់ប៉ុណ្ណោះ ហើយមានផ្ទៃដីត្រឹមតែ ២៥៨៦គីឡូម៉ែត្រការ៉េ។

 

 

ស្វីស បានជាប់ចំណាត់ថ្នាក់ទី៨ នៅក្នុងរបាយការណ៍សុភមង្គលពិភពលោកក្នុងឆ្នាំ២០២៣ ជាមួយនឹងពិន្ទុ ៧,២៤។ ស្វីសមានភាពល្បីល្បាញដោយសារភ្នំ រមណីយដ្ឋាន ការជិះស្គី រសជាតិសូកូឡា និងធនាគារ។ ប្រទេសនេះប្រើប្រាស់ភាសាជាតិចំនួន៤ ក្នុងការប្រាស្រ័យទាក់ទងដូចជា អាល្លឺម៉ង់ បារាំង អ៊ីតាលី និងរ៉ូម៉ាំង។

 

 

ប្រទេសដែលមានសុភមង្គលបំផុតទី៧ គឺន័រវេសដែលមានពិន្ទុ ៧,៣១៥។ ប្រទេសនេះមានភាពល្បីល្បាញដោយសារជ្រលងភ្នំខ្ពស់ដែលមានទឹកស្ទឹងហូរ  និងពន្លឺផ្ទៃមេឃដ៏ស្រស់ស្អាតនៅភាគខាងជើងប្រទេសដែលជាគោលដៅទេសចរណ៍ដ៏ពេញនិយមនៅទីនោះ។

 

 

ស៊ុយអែត ជាប្រទេសដែលមានសុភមង្គលបំផុតទី៦ ជាមួយនឹងពិន្ទុរបាយការណ៍សុភមង្គលពិភពលោក ៧,៣៩៥។ ប្រទេសនេះ ត្រូវបានភ្ញៀវទេសចរស្គាល់ដោយសារភាពសម្បូរបែបនៃព្រៃឈើ និងបឹងជាច្រើន។ ស៊ុយអែតមានបឹងប្រហែល ១០០ពាន់បឹង ហើយប្រមាណ ៧០ភាគរយនៃផ្ទៃដីសរុបគ្របដណ្តប់ដោយព្រៃឈើ។

 

 

ហូឡង់ជាប់ចំណាត់ថ្នាក់ទី៥ ដោយមានពិន្ទុ ៧,៤០៣។ ប្រទេសនេះ មានភាពល្បីល្បាញដោយសារសួនផ្កាចម្រុះពណ៌។ ហូឡង់ មានទីស្នាក់ការតុលាការយុត្តិធម៌អន្តរជាតិ និងតុលាការឧក្រិដ្ឋកម្មអន្តរជាតិនៅទីក្រុងឡាអេ។

៤. អ៊ីស្រាអែល 

 

អ៊ីស្រាអែល​ជា​ប្រទេស​ដែល​មាន​សុភមង្គល​បំផុត​ទី​៤ ​ក្នុង​ពិភពលោក​ក្នុង​ឆ្នាំ២០២៣ ដោយ​ទទួល​បាន​ពិន្ទុ ៧,៤៧៣។ វាជាប្រទេសមួយទៀត នៅក្រៅតំបន់អឺរ៉ុបដែលជាប់ចំណាត់ថ្នាក់កំពូលទាំង១០។ អ្នកអាចនិងភ្ញាក់ផ្អើលនៅពេលឃើញអ៊ីស្រាអែលជាប់ក្នុងចំណាច់ថ្នាក់នេះ ដោយសារបច្ចុប្បន្នប្រទេសនេះកំពុងផ្ទុះសង្គ្រាម។ ការពិតរបាយការណ៍នេះ ធ្វើការស្ទង់មតិរយៈពេល ៣ឆ្នាំចុងក្រោយ ហើយបានចេញផ្សាយមុនពេលកើតសង្គ្រាម។ 

 

 

ប្រទេសដែលមានសុភមង្គលបំផុតទី៣ នៅលើពិភពលោកក្នុងឆ្នាំនេះគឺអ៊ីស្លង់។ យោងតាមរបាយការណ៍សុភមង្គលពិភពលោកបានផ្តល់ពិន្ទុដល់ប្រទេសជាតិចំនួន ៧,៥៣។ នេះ​ជា​ឆ្នាំ​ទី​២​ជាប់​គ្នា​ដែល​អ៊ីស្លង់​ទទួល​បាន​ចំណាត់​ថ្នាក់​លេខ​៣។

 

ប្រទេសនេះ មានប្រជាជនប្រមាណ ៣៧៥ពាន់នាក់។ ភាពល្បីល្បាញរបស់អ៊ីស្លង់ ដោយសារការផ្ទុះទឹកផុស និងការផ្ទុះភ្នំភ្លើង។ 

 

២. ដាណឺម៉ាក 

 

ដាណឺម៉ាក ជាប្រទេសដែលមានសុភមង្គលបំផុតទី២ ដោយមានពិន្ទុ ៧,៥៨៦ ដែលនេះ​ជា​ឆ្នាំ​ទី​៤ជាប់​គ្នាក្នុងការរក្សាចំណាត់ថ្នាក់នេះ។ ដាណឺម៉ាក ជាសមាជិកស្ថាបនិកនៃអង្គការសំខាន់ៗជាច្រើនរបស់ពិភពលោកដូចជា អង្គការណាតូ អង្គការសហប្រជាជាតិ ក្រុមប្រឹក្សា Nordic  អង្គការសម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍ និងអង្គការសម្រាប់សន្តិសុខ និងកិច្ចសហប្រតិបត្តិការនៅអឺរ៉ុប ។

 

 

ហ្វាំងឡង់ ជាប្រទេសដែលមានសុភមង្គលបំផុតនៅលើពិភពលោកក្នុងឆ្នាំ២០២៣ ។ នេះជាឆ្នាំទី៦ ជាប់គ្នា ដែលប្រទេសនេះអាចរក្សាចំណាត់ថ្នាក់ជាប្រទេសមានសុភមង្គលបំផុតលើពិភពលោក។ ហ្វាំងឡង់ទទួលបានពិន្ទុសរុប ៧,៨០៤។ ប្រទេសនេះ មានប្រហែល ៧៤ភាគរយ ត្រូវបានគ្របដណ្តប់ដោយព្រៃឈើ៕