ចូរព្យាយាមញ៉ាំអាហារផ្តល់សុខភាព ជាពិសេសអាហារសម្បូរជាតិសរសៃ និងប្រូតេអ៊ីនសុទ្ធ។ អាហារសម្បូរជាតិសរសៃរលាយ អាចជួយរំលាយអាស៊ីតគ្រីស្តាលបាន តាមរយៈបឺតស្រូបវា និងបញ្ចេញវាចេញពីសន្លាក់បាន។ អ្នកក៏គួរតែចៀសវាងការញ៉ាំខ្លាញ់ប្រភេទ Saturated Fats ដែរ។ យកល្អគយរតែព្យាយាមញ៉ាំប្រូខូលី ស្ពៃស្ពីណាច ឬអង្ករសម្រូប ឲ្យបានច្រើន។ 

 

 

ជាធម្មតាសារធាតុមួយឈ្មោះថា Purines ក្នុងអាហារនឹងបំលែងទៅជាអាស៊ីតអ៊ុយរិកនៅពេលចូលដល់ក្នុងក្រពះហើយ។ ការសិក្សាបានបង្ហាញថា ការញ៉ាំអាហារសម្បូរសារធាតុខាងលើនេះនឹងនាំឲ្យមានការធ្វើទុក្ខជំងឺរលាកសន្លាក់ហ្គោដក្នុងរយៈពេលពីរបីថ្ងៃក្រោយពីញ៉ាំរួច។ អាហារសម្បូរជាតិ Purines មានដូចជា សាច់ (សាច់ក្រហម និងសាច់គ្រឿងក្នុង) អាហារសមុទ្រ។ 

 

 

ការញ៉ាំទឹកបានពី ៦ ទៅ៨កែវក្នុងមួយថ្ងៃត្រូវបានគេបង្ហាញថា អាចបន្ថយការធ្វើទុក្ខរបស់ជំងឺរលាកសន្លាក់ហ្គោដបាន។ អ្នកក៏គួរតែបន្ថយ ឬកាត់បន្ថយការញ៉ាំគ្រឿងស្រវឹង ដោយសារតែវាអាចបង្កើនចំនួនអាស៊ីតអ៊ុយរិកក្នុងឈាមបាន។ បើសិនជាអ្នកចង់ញ៉ាំអ្វីក្រៅពីទឹកធម្មតា ចូររកមើលភេសជ្ជៈណាដែលមិនមានជាតិស្ករច្រើន ឬកាហ្វេអ៊ីនអី។ ជាតិស្ករអាចបង្កើនការប្រឈមនឹងជំងឺរលាកសន្លាក់ហ្គោដបាន ហើយជាតិកាហ្វេអ៊ីនធ្វើឲ្យខ្សោះជាតិទឹក។ 

 

 

ការសិក្សាខ្លះបានបង្ហាញថា វីតាមីន C ប្រហែលជាជួយបន្ថយកម្រិតរបស់អាស៊ីតអ៊ុយរិកក្នុងឈាម ថ្វីបើការសិក្សាជាច្រើនមិនបានបង្ហាញថា អាចបន្ថយការធ្វើទុក្ខរបស់ជំងឺរលាកសន្លាក់ហ្គោដក៏ដោយ។ វីតាមីន C អាចជួយតម្រងនោមក្នុងការបញ្ចេញចោលអាស៊ីតអ៊ុយរិកបាន។ យកល្អគួរតែបង្កើនការទទួលបានវីតាមីន C ពីរបបអាហារដូចជា ផ្លែឈើជូរៗ ឬបន្លែប្រភេទប្រូខូលី ផ្កាខាត់ណា ឬម្ទេសប្លោកជាដើម។ 

 

 

ចូរព្យាយាមហាត់ប្រាណយ៉ាងហោចណាស់ ៣០នាទីក្នុងមួយថ្ងៃ។ ការសិក្សាមួយបានបង្ហាញថា ការហាត់ប្រាណ ១៥០នាទីក្នុងមួយសប្តាហ៍អាចបន្ថយចំនួនអាស៊ីតអ៊ុយរិកក្នុងឈាមបាន។ វាក៏បន្ថយការប្រឈមនឹងជំងឺបេះដូងសរសៃឈាម និងជួយសម្រកទម្ងន់ដែរ៕