អន្តរជាតិ
កាណាដាពិចារណាលើការកំណត់ចំនួននិស្សិតអន្តរជាតិ ដោយសារប្រឈមបញ្ហាកង្វះខាតលំនៅឋាន រូបភាព The Canadian Press
×
រដ្ឋមន្ត្រីអន្តោប្រវេសន៍កាណាដា លោក Marc Miller បាននិយាយថា រដ្ឋាភិបាលកំពុងពិចារ ណាលើចំនួននិស្សិតអន្តរជាតិដែលត្រូវបានអនុញ្ញាតឱ្យរស់នៅកាណាដា។ នេះបើយោងតាម របាយការណ៍របស់ទូរទស្សន៍ CTV ខណៈដែលរដ្ឋាភិបាលប្រឈមនឹងការរិះគន់ចំពោះវិបត្តិលទ្ធភាពទិញផ្ទះ។
កាណាដាពឹងផ្អែកលើជនអន្តោប្រវេសន៍ដើម្បីជំរុញសេដ្ឋកិច្ចរបស់ខ្លួន និងគាំទ្រដល់ ប្រជាជនវ័យចំណាស់ ហើយនាយករដ្ឋមន្ត្រីលោក Justin Trudeau កំពុងបង្កើនការធ្វើអន្តោប្រវេសន៍ប្រចាំឆ្នាំផងដែរ។ ស្របពេលជាមួយគ្នានេះ វិបត្តិលំនៅឋានត្រូវបានបន្ទោសលើការកើនឡើងនៃជនចំណាកស្រុក និងនិស្សិតអន្តរជាតិដែលជំរុញឱ្យមានតម្រូវការផ្ទះ ខណៈដែលអតិផរណាបានធ្វើឱ្យការសាងសង់យឺត។
រដ្ឋមន្ត្រីអន្តោប្រវេសន៍កាណាដា លោក Miller មានប្រសាសន៍នៅក្នុងបទសម្ភាសជាមួយ ទូរទស្សន៍ CTV ក្នុងកម្មវិធី Question Period ថា រដ្ឋាភិបាលសេរីនិយមកំពុងពិចារណាលើការដាក់កម្រិតលើនិស្សិតអន្តរជាតិនៅក្នុងត្រីមាសទីមួយ និងទីពីរនៅឆ្នាំនេះ។
«បរិមាណនោះគឺបង្កឱ្យមានការព្រួយបារម្ភ»។ លោក Miller សំដៅទៅលើចំនួននិស្សិត អន្តរជាតិនៅកាណាដារួចបន្តថា វាពិតជាប្រព័ន្ធដែលមិនអាចគ្រប់គ្រងបាន។ យ៉ាងណាមិញ លោកមិនបានបញ្ជាក់ថា ការកាត់បន្ថយនិស្សិតអន្តរជាតិមានចំនួនប៉ុន្មាននោះទេដែល រដ្ឋាភិបាលកំពុងពិចារណា។
ទិន្នន័យផ្លូវការបង្ហាញថា មាននិស្សិតបរទេសជាង ៨០ ម៉ឺននាក់ដែលមានទិដ្ឋាការសកម្មក្នុងឆ្នាំ ២០២២ កើនឡើងពី ២៧៥,០០០ នាក់ក្នុងឆ្នាំ ២០១២។
កាណាដា ជាទិសដៅដ៏ពេញនិយមសម្រាប់និស្សិតអន្តរជាតិដោយសារវាមានភាពងាយ ស្រួលក្នុងការទទួលបានប័ណ្ណការងារ។ រដ្ឋាភិបាលសេរីនិយមបានព្យួរគំនិតនៃការកំណត់ ចំនួនទិដ្ឋាការសិស្សបរទេសនៅក្នុងខែសីហា ឆ្នាំមុន ប៉ុន្តែរដ្ឋមន្ត្រីក្រសួងលំនៅដ្ឋានលោក Sean Fraser បញ្ជាក់ថារដ្ឋាភិបាលមិនទាន់ធ្វើការសម្រេចចិត្តបន្តជម្រើសនោះទេ។ លោក Miller សម្គាល់ថា លោកមានគម្រោងពិភាក្សាបញ្ហានេះជាមួយសមភាគីខេត្ត៕
© រក្សាសិទ្ធិដោយ thmeythmey.com