លោក សារឿត មានបំណងស្នាក់នៅតាមវត្តអារាម ឬតាមឧទ្យាន នៅខេត្តសៀមរាប ដើម្បីកាន់បន្ថយការចំណាយ។ តែសំណាងល្អ លោក សារឿត ក៏ត្រូវបានណែនាំឱ្យទៅស្នាក់នៅសាលាគ្រូបង្រៀនមួយយប់ដើម្បីត្រៀមខ្លួនចូលរួមប្រកួត ដោយមិនចាំបាច់ទៅសុំការស្នាក់អាស្រ័យតាមទីអារាម។ លោកមានសង្ឃឹមខ្ពស់សម្រាប់ការប្រកួតនេះ បើទោះបីជាលោកសរសេរចន្លោះកន្លែងមួយចំនួនក៏ដោយ។ 

 

« យើងជាខ្មែរ យើងត្រូវរក្សាខ្មែរជាតិនិយម ហើយការសរសេរតាមអាននេះ ជាផ្នែកមួយនៃការថែរក្សាអក្សរសាស្ត្រខ្មែរយើង»។ លោក សារឿត ថ្លែងបែបនេះមកកាន់សារព័ត៌មានឌីជីថលថ្មីៗ (ThmeyThmey)។
 

ដើម្បីជ្រាបតែច្បាស់សូមលោកអ្នកទស្សនាវីដេអូខាងក្រោមដូចតទៅ៖ 
 

សូមជម្រាបថា ក្នុងចំណោមបេក្ខជនចុះឈ្មោះសរុប៨១៥នាក់ មានប្រមាណ៧០០អង្គនាក់ បានមកចូលរួមប្រកួតសរសេរតាមអាននៅលើស្ពានហាលប្រាសាទអង្គរវត្ត នៅព្រឹកថ្ងៃទី២១ ខែមករានេះ។ បេក្ខជនប្រកួតទាំងអស់មកពីតំបន់ផ្សេងៗជាច្រើន មានទាំងក្មេងអាយុ១០ឆ្នាំឡើង មនុស្សចាស់អាយុលើស៦០ឆ្នាំ និងព្រះសង្ឃផងដែរ៕